„ნაპოლის“ გამარჯვება და ლიდერის პოზიცია სერია A-ში
სერია A-ს მეშვიდე ტურში „ნაპოლიმ“ „კომო“ დამაჯერებლად 3:1 დაამარცხა და ტურის დასრულების შემდეგაც ლიდერის პოზიციას აუცილებლად შეინარჩუნებს, სხვა გუნდების შედეგების მიუხედავად.
ანტონიო კონტეს გუნდს წამები დასჭირდა ანგარიშის გასახსნელად: რომელუ ლუკაკუს პასით სკოტ მაკტომინეიმ გაიტანა და პირველივე წუთზე ნეაპოლელები წინ გავიდნენ. თუმცა, სწრაფმა გოლმა „კომო“ არ დააბნია, სესკ ფაბრეგასის გუნდმა მოიპოვა სათამაშო უპირატესობა, საგოლე მომენტებიც შექმნა და ტაიმის მიწურულს დამსახურებულად გაათანაბრა ანგარიში - გაბრიელ სტრეფეცამ ეფექტური გოლი გაიტანა.
„ნაპოლის“ პირველ ნახევარში გაუჭირდა, მაგრამ როგორც ჩანს, შესვენებაზე ანტონიო კონტემ შეგირდები გამოაფხიზლა, რადგან მეორე ნახევარში „ნაპოლის“ მეტოქისთვის შანსი არ მიუცია. ლუკაკუმ პენალტით დააწინაურა თავისი გუნდი, ხოლო მატჩის მიწურულს კიდევ ერთი საგოლე პასი ჩაიწერა აქტივში და დავიდ ნერეშმა საბოლოო შედეგი დააფიქსირა - 3:1.
ხვიჩა კვარაცხელიას ორი საგოლე მომენტი, ორჯერვე მეკარემ აჯობა. ერთ შემთხვევაში ის კუთხურიდან ახვევდა პირდაპირ ბურთს კარში. კვარა კონტემ 79-ე წუთზე შეცვალა და ამ მატჩში შედეგიანი მოქმედება არ ჰქონია. კვარაცხელიამ მიმდინარე სეზონში „ნაპოლის“ მაისურით ყველა ტურნირზე ჩატარებულ 9 მატჩში 3 გოლი გაიტანა და 2 საგოლე პასი მიითვალა.
„ნაპოლი“ 16 ქულით ლიდერობს სერია A-ს, მომდევნო ტურში კი, 20 ოქტომბერს, საბა გოგლიჩიძის და საბა საზონოვის „ემპოლის“ სტუმრად შეხვდება.
ხვიჩა კვარაცხელია ახლა საქართველოს ნაკრებს შეკრებაზე შეუერთდება, რომლის რიგებში ერთა ლიგაზე უკრაინისა და ალბანეთის წინააღმდეგ შეხვედრებში ითამაშებს.
„ნაპოლი“ – „კომო“ 3:1 (1:1)
გოლები: 1:0 მაკტომინეი (1), 1:1 სტრეფეცა (43), 2:1 ლუკაკუ (53, პენ), 3:1 ნერეში (86)
1728109100
საზოგადოებაუახლოესი დღეების ამინდის პროგნოზი
8 ოქტომბრამდე საქართველოში შედარებით თბილი და უმეტესად უნალექო ამინდია მოსალოდნელი. თბილისში უმეტესად უნალექო ამინდი იქნება. ჰაერის ტემპერატურა დღისით +23, +25 გრადუსი დაფიქსირდება. სანაპირო რაიონებ...
1728074869
ჰოროსკოპი5 ოქტომბრის ასტროლოგიური პროგნოზი
რას გვირჩევენ ვარსკვლავები 5 ოქტომბრისთვის ჯანმრთელობის, ბიზნესის და სიყვარულის მიმართულებით? ვერძი მოვლენებით დატვირთული და ნაყოფიერი დღეა. ეცადეთ, ადრე გაიღვიძოთ და მუშაობა დაიწყოთ. შესაძლოა, რაღაც...
1728070293
საზოგადოებაროგორი ამინდი იქნება შაბათს საქართველოში - პროგნოზი ქალაქების მიხედვით
სინოპტიკოსების პროგნოზით, 5 ოქტომბერს, საქართველოს მასშტაბით უმეტესად მზიანი ამინდი იქნება. მაქსიმალური ტემპერატურა 28° ქუთაისში დაფიქსირდება. 5 ოქტომბრის ამინდის პროგნოზი ქალაქების მიხედვით: გაგრა -...
1728066214
სპორტისილვინიო: ჩეხეთსა და საქართველოსთან რთულ მატჩები გველის
ალბანეთის ნაკრების მთავარმა მწვრთნელმა სილვინიომ პრესკონფერენცია გამართა. როგორც ბრაზილიელმა აღნიშნა, ჩეხეთსა და საქართველოსთან რთულ მატჩებს ელოდება. „ამ სანაკრებო ფანჯარაში ორი რთული მატჩი გველოდება....
1728064174
ახალი ამბებიმარტვილში ავტომობილი ორსულს დაეჯახა
მარტვილის რაიონის სოფელ სალხინოში, ავტოსაგზაო შემთხვევა მოხდა. არსებული ცნობით, მსუბუქი ავტომობილი 5 თვის ორსულ ქალს დაეჯახა. შემთხვევა იმ დროს მოხდა, როცა ქალი გზაზე გადადიოდა. სასწრაფო სამედიცინო და...