უკრაინაში სამშობიაროს დაბომბვისას დაჭრილი ორსული გარდაიცვალა - დაიღუპა მისი არ დაბადებული შვილიც

 „ამერიკის ხმის“ ჟურნალისტის ასია დოლინას ცნობით, რუსული არმიის მიერ უკრაინის ქალაქ მარიუპოლის მე-3 ბავშვთა (სამშობიარო) საავადმყოფოს დაბომბვისას დაჭრილი ორსული გარდაიცვალა.

ამის შესახებ დოლინა ფეისბუკზე წერს.

ჟურნალისტის ინფორმაციით, ქალის და მისი მუცლად მყოფი შვილის გარდაცვალებას ადასტურებს ფოტოგრაფი ევგენი მალოლეტკა.

"მარიუპოლის  მე-3 ბავშვთა (სამშობიარო) საავადმყოფოს დაბომბვის ადგილიდან ვიდეო/ფოტო სიუჟეტებიდან ცნობილი პირველი ორსული გოგონა, რომელიც საკაცით გაიყვანეს, ვერ გადარჩა.

და მისი არ დაბადებული შვილიც ვერ გადარჩა...

მათ გარდაცვალებას ადასტურებს ფოტოგრაფი ევგენი მალოლეტკა, რომელმაც ეს ფოტოები AP-სთვის გადაიღო.

მეორემ - მარიანა პოდგურსკაიამ - გოგონა გააჩინა, როგორც ბევრმა უკვე იცით... და პირველი მძიმედ დაჭრილი გოგონა გარდაიცვალა.

PS ვიდეო მათთვის, ვისაც ჯერ კიდევ არ ესმის, რომ ერთზე მეტი ორსული იყო და ისინი არ არიან მსახიობები - კომენტარებში", - წერს დოლინა ფეისბუკში.

10 მარტს მარიუპოლის სამშობიაროს დაბომბვას 3 ადამიანი ემსხვერპლა, მათ შორის 1 პატარა გოგონაა. უკრაინული მხარის ინფორმაციით თავდასხმის შედეგად, 17 ადამიანი დაშავდა.

ამავე თემაზე:

⬛ სამშობიაროს დაბომბვას 3 ადამიანი ემსხვერპლა, მათ შორის 1 პატარა გოგონაა