ავღანელ გოგონებს სწავლის უფლება ისევ აეკრძალათ, რაც მათთვის სიკვდილით დასჯის ტოლფასია

ავღანელი მოზარდები  სასოწარკვეთილებას ვერ მალავენ და სწავლის აკრძალვას სასიკვდილო განაჩენს ადარებენ. მას შემდეგ, რაც თალიბები სათავეში მოვიდნენ, მალევე,  ავღანეთის  საშუალო სკოლებში  გოგონებს სწავლა აეკრძალათ. 

ავღანეთის მთავრობა ირწმუნება, რომ გარკვეული დროის შემდეგ გოგონები სკოლაში სწავლას ჩვეულ რეჟიმში განაგრძობენ, მაგრამ  როგორც ჩანს, მათი დაპირება არასაიმედოა.

BBC-თან, ავღანელმა თინეიჯერებმა, ამ ძალიან დიდი პრობლემის შესახებ ისაუბრეს - „სწავლა არ შეიძლება, ეს სიკვდილით დასჯას ჰგავს“, - ამბობს 15 წლის მეენა.

”ჩვენ არაფრის გაკეთების უფლება გვაქვს, გარდა საშინაო საქმისა... ჩვენ უბრალოდ გაყინულები ვართ ერთ ადგილას”, - განაცხადა16 წლის ლაილამ, რომლის სკოლა ტახარის პროვინციაში დაიხურა იმ დღეს, როდესაც თალიბებმა ძალაუფლება მოიპოვეს აგვისტოში.

BBC-სთან ინტერვიუში განათლების მინისტრის მოადგილის მოვალეობის შემსრულებელმა აბდულ ჰაკიმ ჰემატმა დაადასტურა, რომ გოგონებს არ დაუშვებენ საშუალო სკოლაში, სანამ არ დამტკიცდება განათლების ახალი პოლიტიკა.

მან ხაზი გაუსვა გოგონებისა და ვაჟების კლასების გამიჯვნის აუცილებლობას, რაც უკვე გავრცელებულია მთელ ავღანეთში.

ერთ-ერთი დირექტორის თქმით, რომელიც აგრძელებს კავშირს  სტუდენტებთან Whatsapp-ის საშუალებით, აღნიშნა, რომ სტუდენტები ძალიან შეშფოთებულები არიან და ფსიქოლოგიურად იტანჯებიან და რომ ძნელია მათთვის იმედის მიცემა, რადგან არავინ იცის როდის გამოსწორდება სიტუაცია.

შეგახსენებთ, რომ თალიბების მმართველობის  პერიოდში, გოგონებსა და ქალებს, სკოლებსა და უნივერსიტეტებში სწავლა აკრძალული ჰქონდათ 1996-2001 წლებშიც. 

ელენე ფერაძე