„მომდევნო რამდენიმე კვირა და დღე განსაზღვრავს, არის თუ არა პუტინი დაინტერესებული უკრაინაში მშვიდობით“ - მარკო რუბიო

აშშ-ის სახელმწიფო მდივანმა მარკო რუბიომ განაცხადა, რომ მომდევნო დღეები და კვირები განსაზღვრავს, არის თუ არა კრემლის ლიდერი ვლადიმერ პუტინი სერიოზულად დაინტერესებული უკრაინაში მშვიდობით.

ჟურნალისტის კითხვაზე, სჯერა თუ არა, რომ პუტინი მზადაა მოლაპარაკებისთვის და ბრძოლის დასასრულებლად, რუბიომ განაცხადა, რომ ზარს უნდა მოჰყვეს ქმედება.

„პრეზიდენტმა ტრამპმა ისაუბრა ვლადიმერ პუტინთან გასულ კვირას და ამ საუბარში ვლადიმერ პუტინმა გამოხატა თავისი ინტერესი მშვიდობისადმი და პრეზიდენტმა გამოთქვა სურვილი, რომ დასრულდეს ეს კონფლიქტი ისე, რომ იყოს გრძელვადიანი და დაიცვას უკრაინის სუვერენიტეტი და ეს არის ხანგრძლივი მშვიდობა... ეს სწორი გადაწყვეტილებაა. მომდევნო რამდენიმე კვირა და დღე განსაზღვრავს რამდენად სერიოზულია ეს მისი განცხადება“, - განაცხადა აშშ-ის სახელმწიფო

მან დასძინა, რომ ეს არის პირველი ნაბიჯი ამ პროცესში, მაგრამ „გასავლელი ჯერ კიდევ დიდი გზაა“.

„კიდევ ერთხელ, მშვიდობა ერთი სატელეფონო ზარით არ დამყარდება, ერთი შეხვედრა არ კმარა. ჯერ კიდევ ბევრი სამუშაოა წინ. მაგრამ მჯერა, რომ ყველაზე გრძელი გზაც კი პირველი ნაბიჯით იწყება. ვნახოთ, რა იქნება შემდეგ, იმედია რამე კარგი. ეს ომი უკვე დიდი ხანია, გრძელდება. ეს რთულია, კომპლექსურია, ომი სისხლიანი იყო, ძვირი დაჯდა. ასე რომ, არ იქნება ადვილი ასეთი კონფლიქტის დასრულება და არიან სხვა მხარეებიც, რომლებსაც აქვთ თავიანთი მოსაზრებები ამის შესახებ“, - დასძინა რუბიომ.