ირაკლი კირცხალია გილაურზე: ეს ის ადამიანია, რომელიც საუბრობდა, რომ პოლიტიკაში არ ერეოდა?! მაშინ როგორ ამობილიზებდა ამ თანხებს, რა ლობისტურ საქმიანობაში მიმართავდა ამ თანხებს?!

„ეს ის ადამიანია, რომელიც საუბრობდა, რომ პოლიტიკაში არ ერეოდა?! მაშინ როგორ ამობილიზებდა ამ თანხებს, რა ლობისტურ საქმიანობაში მიმართავდა ამ თანხებს?!“ - ასე გამოეხმაურა ფრაქცია „ქართული ოცნების“ თავმჯდომარის პირველი მოადგილე ირაკლი კირცხალია ინფორმაციას FARA-ზე გამოქვეყნებული დოკუმენტის შესახებ, საიდანაც ირკვევა, რომ ყოფილმა პრემიერმა ნიკა გილაურმა, აშშ-ში ლობისტური კომპანია Continental Strategy-ი დაიქირავა, რაშიც 600 000 დოლარი გადაიხადა.

მისი თქმით, ადამიანები, რომლებიც ინიღბებიან როგორც გულშემატკივარი სამოქალაქო საზოგადოების, რეალურად აღმოჩნდებიან ხოლმე 100%-ით პოლიტიკურად ანგაჟირებული ფიგურები.

„ეს ის ადამიანია, რომელიც საუბრობდა, რომ პოლიტიკაში არ ერეოდა?! მაშინ როგორ ამობილიზებდა ამ თანხებს, რა ლობისტურ საქმიანობაში მიმართავდა ამ თანხებს?! ასევე, მეორე კითხვა მაქვს - შემთხვევით იმ თანხებით ხომ არ არის დაფინანსებული ბიზნესებს რომ მოუწოდებდა ჩარიცხეთ თანხებიო, ვიცით, გარკვეულმა ბიზნესმა ჩარიცხა თანხები. მესამე კითხვა - ეს ის ერთ-ერთი ისეთივე ფონდი ხომ არ იყო, რომელიც ფუთავდა თავის საქმიანობას, როგორც საქველმოქმედო საქმიანობას და რეალურად ემსახურებოდა იმ დიდ დესტრუქციას და იმ ძალების, უსამშობლოების, აგენტურული ქსელის დაფინანსებას, რასაც USAID-ის დონორობით ვხედავდით ე.წ ენჯეოებში და შემდეგ ამ ე.წ ფონდებში.

მთავარ რაღაცას მოეფინა ნათელი, ადამიანები, რომლებიც იფუთებიან და ინიღბებიან როგორც სამოქალაქო სექტორი, გულშემატკივარი სამოქალაქო საზოგადოების, რეალურად აღმოჩნდებიან ხოლმე 100%-ით პოლიტიკურად ანგაჟირებული ფიგურები, თავიანთი ფონდებით, არასამთავრობო ორგანიზაციებით და ა.შ“ - აღნიშნავს კირცხალია.