ლევან მაჭავარიანი: ძალიან სამწუხაროა, რომ პირდაპირ დიპლომატიური კორპუსი - ხან პირდაპირ, ხან ირიბად ახალისებს ძალადობას ჩვენ ქვეყანაში

„ძალიან სამწუხაროა, რომ პირდაპირ დიპლომატიური კორპუსი - ხან პირდაპირ, ხან ირიბად ახალისებს ძალადობას ჩვენ ქვეყანაში“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა დიპლომატიურ კორპუსზე საუბრისას განაცხადა.

დეპუტატის თქმით, დიპლომატიური კორპუსის ქმედებებიდან გამომდინარე, მათი რეპუტაცია შერყეული ჩვენს ქვეყანაში.

„ძალიან სამწუხაროა, რომ პირდაპირ დიპლომატიური კორპუსი - ხან პირდაპირ, ხან ირიბად ახალისებს ძალადობას ჩვენ ქვეყანაში. ევროპიდან წამოსული ფულით დაფინანსებული „ენჯეოები“ იქცევიან იმგვარად, მაგალითად, აანონსებდნენ კამპანიებს ჩვენს  წინააღმდეგ - „84 ტყვია კეფაში“, „ჩავუფურთხოთ ქოცებს“, „მოვკლათ ქოცები“ აქვეყნებდნენ ჩვენს პირად მონაცემებს და პირდაპირ ღია მოწოდებები იყო იმასთან დაკავშირებით, მიუვვარდეთ დეპუტატის ოჯახის წვერებს და არა ერთი კადრი გვინახავს ასეთი. როდესაც, თითქოს და აღშფოთებული მოქალაქე შეურაცხყოფას აყენებდა ოჯახის წევრებთან ერთად აყენებდა კონკრეტულ დეპუტატს, 100-დან 100 შემთხვევაში აღმოჩნდებოდა რომელიმე კონკრეტული „ენჯეოს“ თანამშრომელი და ამაზე რეაგირება არ ჰქონდა დიპლომატიურ კორპუსს.

დიპლომატიურ კორპუსს იმაზე არ ჰქონდა რეაგირება, როდესაც ქალბატონმა ზურაბიშვილმა მოუწოდა, პოლიტიკა უნდა შევიტანოთ სკოლებშიო და დრო არის, ბავშვებიც შემოგვიერთდეს აქციებზეო, უმსგავსო განცხადება იყო.  ყველაზე ამორალური, ამაზრზენი და არაკაცური განცხადება იყო ვაშაძის მხრიდან, როდესაც მან პირდაპირ ეთერში მოუწოდა ახალგაზრდებს, თქვენ მშობლებს არ მიესალმოთ ისინი „ქართული ოცნების“ მხარდამჭერები არიანო. როდესაც ასეთი შინაარსის ქმედებებზე და განცხადებებზე დიპლომატიური კორპუსის უდიდესი ნაწილი დუმს, ეს არის - ან  ირიბი წახალისება ამ ყველაფრის ან გამიზნული პირდაპირი წახალისება, ეს ყველაფერი შეიძლება. ეს არის ძალიან სამწუხარო მიდგომა და აქედან გამომდინარე, მათივე რეპუტაცია არის შერყეული ჩვენს ქვეყანაში“, - აღნიშნავს ფრაქცია „ქართული ოცნების“ თავმჯდომარის მოადგილე.