მეუფე იაკობი რუსეთ-უკრაინის ომზე: 2 სლავი ერი დაატაკეს ერთმანეთს, სიკვდილს უცხოელები ასპონსორებენ

 ბოდბელმა ეპისკოპოსი მეუფე იაკობი აცხადებს, რომ 2 სლავი ერი [რუსეთ-უკრაინა] ვეღარ გაერთიანდება, რადგან ომის შემდგომ ერთმანეთის სიძულვილი დიდხანს გაჰყვებათ.

როგორც ბოდბელი ეპისკოპოსი აცხადებს, უკრაინაში სიკვდილს უცხოელები ასპონსორებენ.

„2 სლავი ერი [რუსეთ-უკრაინა] დაატაკეს ერთმანეთს. ვეღარ გაერთიანდებიან, ეს ზიზღი და სიძულვილი დიდხანს გაჰყვებათ. იმ ძალებმა, რომლებმაც სლავების გაერთიანება არ უნდოდათ გააკეთეს ისე, რომ დააჯახეს ერთმანეთს, მიდის სისხლისმღვრელი ომი. ორივე მხარეს [რუსეთ-უკრაინას] თავის სპონსორები ჰყავს. ვითომ მართლმადიდებელი ერებია...სიკვდილს ასპონსორებენ უცხოელები. იმათმა რა ჭკუა უნდა გვასწავლონ?! ჩვენი ერისთვის მშვიდობა გვინდა. ჩემთვის არავინ არ არის ავტორიტეტი, არც ევროკავშირის ლიდერი, არც რუსეთის და ასე ნებისმიერი ქვეყანა ვინც არ უნდა იყოს, რომელსაც ჩემი ქვეყანა არ უყვარს და ჩემ ხალხს პატივს არ სცემს.

რაც არ უნდა ირბინონ, რაც არ უნდა სანქციები დააწესონ - ქართველებს ვერ მოგვერევიან. ჩვენ, ჩვენ თავსაც, დავიცავთ და ღმერთი, ნახავთ, რასაც უზამს თითოეულ მათგანს, ჩვენ არ ვიყოთ შურისმაძიებლები. კარგად ხედავთ, თუ რა პროცესები მიდის. ვინც დაგვეჯახა რა დღეში არიან, ვინც წესიერად გვეპყრობა ისინი ნორმალურ სიტუაციაში არიან. რა გინდათ, ასე რომ არყევთ საქართველოს?“ - აცხადებს მეუფე იაკობი.