ნინო წილოსანი: ნიკა მელიასა და „გირჩების“ დაბალი ხარისხის ეთერმა, კიდევ ერთხელ დაგვანახვა, თუ რა ფარული სიგიჟე ტრიალებს ოპოზიციაში

პარლამენტის თავმჯდომარის მოადგილე ნინო წილოსანი სოციალურ ქსელში საზოგადოებრივი მაუწყებლის ეთერში ნიკა მელიასა და „გირჩების“ წარმომადგენელს შორის გამართულ დებატებს გამოეხმაურა.

მისი თქმით, გამოაშკარავდა, რომ გვარამია-მელიას კეზერაშვილი აფინანსებს.

„ნიკა მელიასა და „გირჩების“ დაბალი ხარისხის ეთერმა, რომელიც, ალბათ არ გაგიკვირდებათ და მელიამ გახადა უხარისხო, კიდევ ერთხელ დაგვანახვა, თუ რა ფარული სიგიჟე ტრიალებს ოპოზიციაში, ამავდროულად გამოააშკარავა რომ:

- სწორედ კეზერაშვილს უკავშირდება გვარამია-მელიას დაფინანსება

- 4 ნომრის ხმები არის მიშასთვის მოპარული ნაცების ხმები!

- როგორი ინტელექტუალური დეფიციტი აქვთ, როცა დებატებში მელიას უშვებენ, ყველა სხვა დანარჩენს კი ეშინია „გირჩების“ ლოგიკის

- როგორი სიმახინჯე წარმოუდგენიათ რადიკალებს სატელევიზიო დებატები - არ უნდა ალაპარაკონ არავინ, უნდა ლანძღონ ჟურნალისტი, რომელმაც დებატები მოუწყო, ამასთანავე არ უნდა უპასუხონ დასმულ შეკითხვებს, რადგან სიმართლის ეშინიათ

ამ ფაქტორების გათვალისწინებით ფანტასტიკური ეთერი იყო.

თვითმმართველობის არჩევნებზე იმედი მაქვს გაითვალისწინებს ამ ყველაფერს მათი ამომრჩეველი, თუმცა, შესაძლოა, პირიქით უფრო მეტი რადიკალი „დაპორტირდეს” მიშას ნაცებიდან, იმისთვის რომ მეტი დესტრუქცია შემოიტანონ ქართულ პოლიტიკაში“, - წერს წილოსანი.