თანხების გაფლანგვის საქმე - მიხეილ სააკაშვილი სასამართლოში გადაჰყავთ

თანხების გაფლანგვის საქმეზე მიხეილ სააკაშვილის სასამართლო პროცესი დღეს გაიმართება.

საქართველოს მესამე პრეზიდენტი მიხეილ სააკაშვილი თბილისის საქალაქო სასამართლოში მის საქმეზე ჩანიშნულ პროცესზე დასასწრებად გორიდან უკვე წამოიყვანეს.

პენიტენციური სამსახურის მანქანა, რომელშიც სააკაშვილი იმყოფება, ესკორტის თანხლებით, გორის სამხედრო ჰოსპიტლიდან დედაქალაქის მიმართულებით უკვე დაიძრა.

თანხების გაფლანგვის საქმეზე, რომელზეც საქართველოს ყოფილი პრეზიდენტი მიხეილ სააკაშვილია ბრალდებული, თბილისის საქალაქო სასამართლოში დღეს პროცესი გაიმართება. სხდომა 11:00 საათზე ჩატარდება.

მოხდება თუ არა მიხეილ სააკაშვილის სასამართლოში გადაყვანა, ჯერ უცნობია.

მიხეილ სააკაშვილის ადვოკატების შეფასებით, მიხეილ სააკაშვილის სასამართლო პროცესზე არ გადაყვანის საფუძველი არ არსებობს.

როგორც მისმა ერთ-ერთმა ადვოკატმა ნიკა გვარამიამ, 1-ელ დეკემბერს მიხეილ სააკაშვილის მონახულების შემდეგ განაცხადა, მისი მთავარი და უპირობო ამოცანაა, რომ წარდგეს ქართველი ხალხის წინაშე .

"დარწმუნებული ვარ, რომ მიუხედავად სისუსტისა, რომელიც აღენიშნება, ის ამჯერადაც ღირსეულად წარდგება ხალხის წინაშე. მისთვის ძალიან მნიშვნელოვანია ადამიანების მხარდაჭერა, ეს მას ფიზიკურად და მორალურად ეხმარება, ამიტომ ყველას სთხოვა, ვინც მას გულშემატკივრობს, რომ სასამართლოსთან შეიკრიბონ“, - განაცხადა გვარამიამ. როგორც გვარამიამ განაცხადა, ხელისუფლებას მიხეილ სააკაშვილის ხვალინდელ სასამართლოზე არგადაყვანის საფუძველი არ გააჩნია", - აღნიშნა გვარამიამ.

ასევე წაიკითხეთ:

🔵ლაშა, გენიალურო, შენს წერილს შემოვინახავ როგორც უძვირფასეს რელიკვიას ჩემი არქივისთვის-მიხეილ სააკაშვილი

🔵იტალიამ 5-დან 11 წლამდე ბავშვების ვაქცინაცია დაუშვა

🔵აშშ-ში "ომიკრონის" პირველი შემთხვევა დაფიქსირდა - ინფიცირებული პირი სრულად ვაქცინირებულია

🔵მინისტრის მოადგილე და საქართველოს ელჩი იტალიაში, მარკეს რეგიონის პრეზიდენტს და ანკონას მერს შეხვდა