საბერძნეთში დღეიდან წარსულს ჩაბარდა ლოკდაუნი – რა იცვლება ჩვენს ყოველდღიურობაში

დღეიდან 14 მაისიდან საბერძნეთში ოფიციალურად დასრულდა ლოკდაუნი, რამაც საბერძნეთის მოსახლეობას ყოველდღიურ ცხოვრებაში მეტი თავისუფლების საშუალება მისცა. თუმცა. ეს არ ნიშნავს პანდემიის დასასრულს და შესაბამისად, საზოგადოებამ არ უნდა შეწყვიტოს ინდივიდუალური ზომების დაცვა კორონავირუსის წინააღმდეგ (დისტანცია, პირბადე, ანტისეპტიკური ხელის ხსნარები).

დღეიდან, 14 მაისიდან გაუქმებულია:

👉13032 და 13033 ნომრებზე sms-ების გაგზავნის ვალდებულება

👉 გადაადგილება დაშვებულია 00:30 საათამდე
 
👉 იხსნება ტურიზმი, მუზეუმები და კაზინოები
 
👉 დაშვებულია რეგიონებსა და კუნძულებზე გამგზავრება

აქვე უნდა აღინიშნოს, რომ კუნძულებზე გასამგზავრებლად სავალდებულოა:

👉 ვაქცინაციის მოწმობის წარდგენა, მეორე დოზიდან 14 დღის შემდეგ, ან კორონავირუსის ტესტის („თვითტესტი“ „სწრაფი ტესტი“ ან „PCR“ ) უარყოფითი რეზულტატის მოწმობის წარდგენა

👉 ასევე, კუნძულებზე გამგზავრება შესაძლებელია 2-დან 9 თვის განმავლობაში გადატანილი კორონავირუსის დაავადების დამადასტურებელი ცნობის საშუალებით
 
👉 რეგიონებში გადაადგილების დროს მკაცრად არის რეკომენდებული რეგულარული დიაგნოსტიკური ტესტების ჩატარება
 
სავაჭრო ობიექტები დღეიდან იმუშავებენ click in και click away სისტემის გარეშე. თუმცა, კვლავ შეზღუდული იქნება მაღაზიაში დასაშვები მომხმარებელთა რაოდენობა (თითო მომხმარებელი 25 კვადრატულ მეტრზე).
 
რაც შეეხება სარესტორნო ქსელებს, დღეიდან 00:15 საათამდე გაიზარდა მათი სამუშაო გრაფიკი, თუმცა, კვლავ მუსიკის გარეშე.

აგრეთვე, დაგაინტერესებთ:

⭕ საბერძნეთის 32 კუნძული COVID 19-ისგან სრულიად თავისუფალია

⭕ რა ზომებს ტოვებს ძალაში საბერძნეთის მთავრობა?

⭕ საბერძნეთში არაფერი არ უნდა გახსნილიყო - ბერძენი პროფესორები