სიდნი გოვუ მიქაუტაძეზე: მისი მდგომარეობა იდეალურს უახლოვდება, უბრალოდ, მოედანზე გადის და თავის საქმეს აკეთებს

„ლიონის“ ყოფილმა ვარსკვლავმა სიდნი გოვუმ ქართველი ფორვარდის გიორგი მიქაუტაძის შესახებ ისაუბრა.

„ახლა, წინა პლანზე მიქაუტაძის თამაშია გამოსული. ის გუნდის კაპიტნის ლაკაზეტის პოზიციაზე თამაშობს, რომლის ადგილის დაკავება ნამდვილად რთულია, თუმცა, ამ ეტაპზე მისი სულიერი მდგომარეობა იდეალურს უახლოვდება.

მე პირადად მასზე დაკვირვება ძალიან მომწონს, რადგანაც საკუთარ ამბიციურობაზე აქცენტს არასდროს აკეთებს. უბრალოდ, მოედანზე გადის და თავის საქმეს აკეთებს. მის ადგილას ბევრი მომენტს არ გაუშვებდა, რომ მწვრთნელის გადაწყვეტილებებით უკმაყოფილება არ გამოეხატა. ბევრს ხომ ყველაფერი სახეზე აწერია ხოლმე. მისგან მსგავს რამეს ვერ ვხედავთ. უნდა ითამაშოს თუ არა მან „ლიონის“ სასტარტო შემადგენლობაში მუდმივად? ამას ვერ ვიტყოდი. ჯერ მაინც ნაადრევია. ერთი დეტალიც, რომელიც მიქაუტაძეს უკავშირდება.

ყველასთვის ცნობილია, რომ მას გუნდში ყველაზე კარგი ურთიერთობა ბენრაჰმასთან აქვს, თუმცა, ეს ზედმეტობაში არ უნდა გადავიდეს. ყოველთვის წინააღმდეგი ვარ, როდესაც გუნდში განსაკუთრებული პირადი ურთიერთობები ყალიბდება. ამან თამაშის მიმდინარეობა არ უნდა შეცვალოს. გუნდში ყველაფერი დაბალანსებული უნდა იყოს, წინააღმდეგ შემთხვევაში, შესაძლოა, რაღაცები აირიოს“, - განაცხადა „ლიონის“ ყოფილმა ვარსკვლავმა.

L'œil de Sidney Govou après la dernière de l'OL en 2024, samedi en Coupe de France : « Je trouve l’état d’esprit de Mikautadze parfait »https://t.co/7nV7f1zcnE

— Le Progrès OL (@LeProgresOL) December 23, 2024