30 ივნისის ასტროლოგიური პროგნოზი

რას გვირჩევენ ვარსკვლავები 30 ივნისს ჯანმრთელობის, ბიზნესის და სიყვარულის მიმართულებით? 

ვერძი

ეს დღე გაიძულებთ ახლობელ ადამიანებთან ურთიერთობაზე დაფიქრდეთ. უახლოეს მომავალში ბედი გიკარნახებთ ვინ არის თქვენი ნამდვილი მეგობარი და ვინ არა. ვარსკვლავების განლაგება დაგეხმარებათ, რომ სიტუაცია ადეკვატურად შეაფასოთ და სწორი გადაწყვეტილება მიიღოთ. გაიღიმეთ მაშინაც კი, თუ საქმეები არც ისე კარგად მიდის. ასე მტრების მოტყუებას და მეგობრების დაიმედებას შეძლებთ.

კურო

ამ დღეს ვარსკვლავები ქარიზმისა და შემოქმედებითი უნარების გამოვლენაში დაგეხმარებათ. ძალების მოზღვავებას გრძნობთ და გსურთ თავი გამოიჩინოთ. გირჩევთ თქვენი ყველაზე თამამი იდეები განახორციელოთ ისე, რომ გარშემო მყოფთა შეფასებაზე ნაკლებად იფიქროთ. დღის მეორე ნახევარში ფულს გაუფრთხილდით, რომ არავინ მოგპაროთ. ადრე გაწეული დახმარებისთვის მიღებული მადლიერება მოლოდინს გადააჭარბებს.

ტყუპები

ყველა თვალსაზრისით ხელსაყრელი დღე გელით. წარმატებით დასრულებული პროექტი თავდაჯერებას შეგმატებთ და საშუალებას მოგცემთ, რომ სასარგებლო კავშირი დაამყაროთ. ფრთხილად იყავით - სწრაფი მოგების დევნაში, შეიძლება რაღაც უფრო ღირებული დაკარგოთ. არ არის გამორიცხული, რომ საქმიანი ურთიერთობა სასიყვარულო კავშირში გადაიზარდოს.

კირჩხიბი

კირჩხიბებისთვის საკმაოდ მშვიდი დღეა. ნუ უსმენთ ადამიანებს, რომლებიც ცდილობენ თავზე საკუთარი აზრი და „თამაშის წესები“ მოგახვიონ. ეცადეთ, საკუთარ ინდივიდუალურობას კოლეგებთან, გუნდური მუშაობის დროსაც არ უღალატოთ. ამ დღეს მხოლოდ საკუთარ ინტერესებზე უნდა იფიქროთ. გირჩევთ საკუთარი გეგმების შესახებ უახლოეს ადამიანებსაც კი არაფერი უამბოთ.

ლომი

დღის განმავლობაში შეიძლება თავი არაკომფორტულად იგრძნოთ. მიზეზი მოსაწყენი საუბრები და შექმნილი ვითარებაა. საჭირო ადამიანები დახმარებას გაგიწევენ, მაგრამ მცირე დაგვიანებით. ზოგადად, ამ დღეს ბიზნესსა და პროფესიულ საქმიანობაში წინსვლას არ უნდა ელოდოთ, ამიტომ თუ შესაძლებელია, სახლში დარჩით და საყვარელ სერიალს უყურეთ. ხელსაყრელი დღეა საყოფაცხოვრებო საქმეების მოგვარებისთვის. გამორიცხული არ არის, რომ სხვადასხვა შეხედულების გამო, ახლობელ ადამიანთან იკამათოთ.

ქალწული

ვარსკვლავები ქალწულებს სასიამოვნო კომპანიაში დროის მხიარულად გატარებას ჰპირდებიან. დროა, საკუთარ თავს მეტი დრო დაუთმოთ, თუ შვებულების აღებას ვერ ახერხებთ, ეცადეთ შაბათ-კვირა მაქსიმალურად სასარგებლოდ დაგეგმოთ. სამსახურში დაწყებული საქმე წინ ძალიან ნელა მიიწევს და სასურველ შედეგს არ მოიტანს. გირჩევთ მნიშვნელოვანი შეხვედრები სამომავლოდ გადაიტანოთ.

სასწორი

ვარსკვლავები მნიშვნელოვან შეხვედრას გპირდებიან, რომელიც მომავალზე გავლენას მოახდენს. ფულთან დაკავშირებული პრობლემების გამო შეიძლება საყვარელ ადამიანს ეკამათოთ. საინტერესო შეთავაზება დროულად უნდა განიხილოთ და თუ საჭიროა, რჩევა გამოცდილ კოლეგებს სთხოვოთ. ყურადღება მიაქციეთ საკუთარ და ოჯახის წევრთა ჯანმრთელობას და საჭიროების შემთხვევაში, პრევენციულ მკურნალობას მიმართეთ.

მორიელი

ეს დღე სულიერი და მორალური ცვლილებების სიმბოლოა. შესაძლოა, მიმდინარე მოვლენებზე შეხედულება და ადამიანების მიმართ დამოკიდებულება მკვეთრად შეგეცვალოთ. ბედი საკუთარი შეცდომებისა გამოსწორების შესაძლებლობას გთავაზობთ და აუცილებლად უნდა გამოიყენოთ. სასარგებლო კავშირების დამყარებას და საკუთარ სიმართლეში თანამოსაუბრეების დარწმუნებას ადვილად შეძლებთ. სანამ მოქმედებას დაიწყებთ, ყველაფერი მცირე დეტალებამდე უნდა გაიაზროთ.

მშვილდოსანი

ამ დღეს შეიძლება მეგობრების მხრიდან ღალატს ან გაუგებრობას შეეჯახოთ. სავარაუდოდ, ახლობელი ადამიანი თქვენზე განაწყენდება, თუმცა ამის მიზეზი არ მიგიციათ. საკუთარ პირად ცხოვრებაზე ბევრს დარდობთ, რაც მუშაობის შედეგებზე აისახება. საღამოსკენ სიტუაცია მეტ-ნაკლებად მოგვარდება, მაგრამ უსიამოვნო ფიქრები არ მიგატოვებთ. გირჩევთ სპორტით დაკავდეთ ან სასიამოვნო თემებზე იფიქროთ.

თხის რქა

ამ დღეს ყველა საკითხი პირისპირ შეხვედრის გზით მოგვარდება. დროა, სრულიად განსხვავებულ ადამიანებთან საუბარი და შეთანხმება ისწავლოთ. ბევრი კარი მხოლოდ დიპლომატიური მიდგომის წყალობით გაიხსნება. ურთიერთობებში მეტი სიფრთხილე უნდა გამოიჩინოთ, განსაკუთრებით - უცნობ ადამიანებთან. ეცადეთ საღამო სახლში გაატაროთ და ძალები აღადგინოთ.

მერწყული

ეს დღე პარტნიორის ისეთ თვისებებს დაგანახებთ, რომლებიც აქამდე არასოდეს შეგინიშნავთ, თუმცა ამის გამო სიამაყეს იგრძნობთ და არა იმედგაცრუებას. სამთავრობო უწყებებში საუბრები დიდ მოთმინებას და ძალისხმევას მოითხოვს, მით უმეტეს, რომ პროცესი მალე არ დასრულდება.

თევზები

ამ დღეს სამყარო წარსულის შეცდომების გამოსწორებაში და გამოცდილების მიღებაში დაგეხმარებათ, რაც მომავალში ძალიან გამოგადგებათ. ახლობელი ადამიანებისგან ვალდებულებების შესრულებას მოითხოვთ და იღებთ კიდეც. ნუ უარყოფთ ძველი ნაცნობების რჩევებსა თუ მოსაზრებებს - ისინი პრობლემებთან გამკლავებაში დაგეხმარებათ. ამ დღეს ბედი მამაცებს გაუღიმებს.