„არ აღიქვათ ზედმეტად ემოციურად ყველაფერი, რადგან აუცილებლად ნეგატიურ გავლენას მოახდენს ყველა სფეროზე“ - რა უნდა ვიცოდეთ რეტროგრადული მერკურის პერიოდზე

როგორ გავიაროთ რეტროგრადული მერკურის პერიოდი მშვიდად?! - აღნიშნულ თემაზე გადაცემაში „დღის პოსტი“ ასტროლოგმა ნინა სუსლოვამ ისაუბრა.

როგორც ნინა სუსლოვამ აღნიშნა, მერკურის რეტროგრადულ პერიოდში ავარიების მაჩვენებელი იზრდება: 

„შესაძლოა თქვენს ცხოვრებაში დაბრუნდეს წარსულიდან ადამიანები. ზოგადად რეტროგრადული მერკური გვაბრუნებს იქ, სადაც რაღაც დავიწყეთ და ვერ დავასრულეთ. არ აქვს მნიშვნელობა ეს როგორი ურთიერთობა ან საქმეა. შესაძლოა ესენი მეგობრებიც იყვნენ. ეს ადამიანები მოდიან და ქრებიან. შესაძლოა ეს ყველაფერი იყოს გამოცდაც, რამდენად სწორი ნაბიჯები გადავდგით.  უნდა დავფიქრდეთ რატომ დაბრუნდა... ძირითად შემთხვევაში უშედეგო იქნება“, -  აღნიშნა ნინა სუსლოვამ.

ასტროლოგმა ასევე დაახასიათა ზოდიაქოს ნიშნებიც სტიქიების მიხედვით, ვისზე როგორ იმოქმედებს ეს ორკვირიანი ციკლი. განსაკუთრებით კი გამოარჩია ცეცხლის სტიქია, რომელზედაც რეტროგრადული მერკური ყველაზე მეტად იმოქმედებს, რადგან მერკური მშვილდოსნის ნიშანში იქნება:

ცეცხლის ნიშნები

უნდა გაითვალისწინოთ, რომ იყოთ ურო მეტად ყურადღებით. რადგან ამ სტიქიას ახასიათებს უყურადღებობა. კარგად გაიაზრეთ ყველაფერი და შემდეგ იმოქმედეთ.

წყლის ნიშნები

არ აღიქვათ ზედმეტად ემოციურად ყველაფერი, რადგან აუცილებლად ნეგატიურ გავლენას მოახდენს ყველა სფეროზე.

მიწის ნიშნები

განსაკუთრებით ფრთხილად იყავით დოკუმენტებთან და ფინანსებთან. მოერიდეთ მნიშვნელოვანი საქმეების გადაწყვეტას და არ მიიღოთ გაუაზრებლად შემოთავაზებები. არის ალბათობა შეცდომაში შეყვანის.

ჰაერის ნიშნები

გჭირდებათ შეინარჩუნოთ შინაგანი ბალანსი და მოერიდეთ ემოციურ გარემოს. უნდა შეინახოთ ინფორმაცია. არ გაამხილოთ საკუთარი გეგმები და იდეები, რადგან ეს ყველაფერი ზიანს მოგიტანთ.