ExclusiveTV-ი ხვიჩა კვარაცხელიას ავტომობილის ქურდობის ფაქტზე, იტალიაში პოლიციის პრეს-სამსახურს დაუკავშირდა

ხვიჩა კვარაცხელიას მანქანის ქურდობის ფაქტზე, სოციალურ ქსელებში არაერთი, ურთიერთგამომრიცხავი ინფორმაცია ვრცელდება, მათ შორის ცნობადი პირების მიერ. მოგეხსენებათ, ExclusiveTV-ის ოფიციალური წარმომადგენლობა ჰყავს იტალიაში. ჩვენ რამდენიმე საათია კონტაქტზე ვიმყოფებით პოცუოლის კომისარიატთან, (სადაც ხვიჩა კვარაცხელიამ ქურდობის ფაქტზე საჩივარი შეიტანა) ვესაუბრეთ მთავარ კომისარს და მოგვიანებით ქვესტურის პრეს-სამსახურს. ამ ეტაპზე პოლიცია პრესასთან დამატებით ინფორმაციას არ ავრცელებს.

შექმნილი ვითარებიდან, საქმის რეზონანსულობიდან და თემის დელიკატურობიდან გამომდინარე, სასურველია, კონკრეტული ადამიანების, თუ ჯგუფების დადანაშაულებისგან თავი შევიკავოთ, რადგან შესაძლოა ამ ყველაფერმა გაცილებით რთული და კონფლიქტური ხასიათი მიიღოს. ExclusiveTV-ი საქმის მსვლელობას თვალს მიადევნებს და ოპერატიულად მოგაწვდით ინფორმაციას.

შეგახსენებთ, რომ Napoli-ს ქართველი ფეხბურთელის ხვიჩა კვარაცხელიას ავტომობილს, მოპარვიდან რამდენიმე საათში ტრენტოლა დუჩენტაში, კაზერტას პროვინციაში, ქურდობიდან რამდენიმე საათში მიაგნეს. ავტომობილი კარგ მდგომარეობაშია ნაპოვნი. პირველადი ინფორმაციით, ქურდებმა მანქანა ხვიჩას საცხოვრებელ სახლიდან გვიან ღამით მოიპარეს. ფეხბურთელი ქურდობის მომენტში სახლში იმყოფებოდა, მაგრამ საეჭვო არაფერი შეუმჩნევია. ამოიღებულია სათვალთვალო ტელეკამერების ჩანაწერები, პოლიცია ამ ეტაპზე, დამატებით ინფორმაციას არ ავრცელებს.

ნინა მამუკაძე, სპეციალურად იტალიიდან