ხელ-ფეხი ხშირად გეყინებათ? - რა არის ამის მიზეზი და როგორ უნდა მოიქცეთ

ბევრს მიაჩნია, რომ გამუდმებით გაყინული ხელებისა და ფეხების მიზეზი სისხლის ცუდი მიმოქცევაა.

მაგრამ რამდენად შეესაბამება ეს სიმართლეს? 

სინამდვილეში, სისხლის ცუდი ცირკულაცია მხოლოდ ნაწილობრივ შეესაბამება რეალობას.

საქმე ისაა, რომ სისხლძარღვები ორგანიზმის სისხლით მომარაგებისას სხეულის კომფორტულ ტემპერატურასაც უზრუნველყოფს.

როცა გარეთ ტემპერატურა ეცემა, ანუ აცივდება, კანის რეცეპტორები ტვინს მყის აძლევს დავალებას, მიიღოს ზომები.

პასუხად, კიდურებში სისხლძარღვები ვიწროვდება, რაც სხეულის შიგნით, სადაც მნიშვნელოვანი ორგანოებია განლაგებული, საჭირო ტემპერატურის შენარჩუნებას უწყობს ხელს. ეს პროცესი ეხმარება ორგანიზმს, სიცოცხლე შინარჩუნოს კრიტიკულ მომენტებში.
 
            მაგრამ ზოგ ადამიანს ეს მექანიზმი ტემპერატურის უმცირესი ცვლილებისთანავე ერთვება.

ცოტა ხნის წინ ჩატარებული კვლევების თანახმად, მსგავსი რამ ყველაზე ხშირად ქალებს ემართებათ, ვინაიდან მათი ჰორმონები გამუდმებით მერყეობს.

საუბარია ესტროგენებზე, რომლებიც, მათ შორის, სხეულის ტემპერატურაზეც აგებს პასუხს.

ამიტომაც ქალები უფრო მგრძნობიარეები არიან სიცივის მიმართ, ვიდრე მამაკაცები.

გარდა ამისა, მუდმივად სიცივისადმი მაღალი მგრძნობელობა ასევე მეტყველებს მაგალითად, სისხლში რკინისა და ვიტამინ В12-ის დაბალ დონზე.

როგორ მოვიქცეთ, თუ ხელები და ფეხები მუდმივად გაყინული გვაქვს?
 
✔️ უპირველესად, ექიმთან კონსულტაციის საფუძველზე გამორიცხეთ, რომ არანაირი სერიოზული დაავადება არ გჭირთ.
 
✔️ შეიცვალეთ ცხოვრების წესი: მეტი იარეთ ფეხით, ივარჯიშეთ. კარგი მეთოდია აბანო, რომელიც კიდეც ათბობს, კიდეც აახალგაზრდავებს და კიდეც კურნავს. აბანოს შემდეგ ორგანიზმის ყველა სისტემა გაორმაგებული ძალით იწყებს მუშაობას და გაყინული კიდურებიც თბება.
 
✔️ ყურადღება მიაქციეთ კვებას: მიიღეთ სრულფასოვანი საკვები, სვით ბალახეული ჩაი. განსაკუთრებით კარგია ჯანჯაფილის ჩაი (ჯინჯერი). დაივიწყეთ ყველა მავნე ჩვევა: მოწევა და ალკოჰოლი. განსაკუთრებით ცუდ გავლენას კიდურების სიცივეზე ნიკოტინი ახდენს, რომელიც სისხლძარღვების სპაზმსა და სისხლის მიმოქცევის დარღვევას იწვევს.
 
✔️ უარი თქვით ტანზე მოტკეცილ-მოჭერილ სამოსზე: მაგალითად, წინდებზე, ბანდაჟზე... და ასევე ფეხსაცმელზე.
 
✔️ არ დაგავიწყდეთ თბილად ჩაცმა, მაგრამ არავითარ შემთხვევაში გადაჭარბებულად. ზედმეტად „მძიმე“ ჩაცმა სისხლის მიმოქცევისთვის ხელშემწყობი ფაქტორი არ არის. 

დაბოლოს: ექიმების თქმით, მუდმივად ცივი კიდურების მიზეზი შესაძლოა სერიოზულ დაავადებაზე მეტყველებდეს, ამიტომ თუ ხელ-ფეხის გაცივება ორ კვირაზე მეტ ხანს გრძელდება, დროა ექიმთან ვიზიტი არ გადადოთ
 
ასევე დაგაინტერესებთ:

🔲 რატომ არ უნდა გეშინოდეთ პანიკური შეტევების?!

🔲 გაციების სეზონი - პრაქტიკული რჩევები ექიმისგან