„ვწუხვართ, რომ თბილისში დაგეგმილი ვიზიტი არ შედგება, რადგან შალვა პაპუაშვილმა არ გამონახა დრო“ - ევროპარლამენტარები

„როგორც ჟან მონეს დიალოგის ფასილიტატორები ვწუხვართ, რომ 21-22 იანვარს დაგეგმილი ვიზიტი თბილისში არ განხორციელდება, რადგან თავმჯდომარემ შალვა პაპუაშვილმა არ გამონახა დრო, რომ ჩაერთოს“. - ამის შესახებ განცხადებას ევროპარლამენტარები ავრცელებენ.

ევროპარლამენტარების, ვიოლა ფონ კრამონის, მარინა კალიურანდისა და მირიამ ლექსმანის განცხადების თანახმად, ვიზიტი მიზნად ისახავდა საქართველოს პარლამენტთან ჟან მონეს დიალოგის პროცესის დაწყებაზე საუბარს, რაც საბოლოო ჯამში საქართველოს დემოკრატიული საპარლამენტო კულტურის განვითარებას ემსახურებოდა.

„მიგვაჩნია, რომ საქართველოს პარლამენტს აქვს საკვანძო პოზიცია და პასუხისმგებლობა ქვეყანაში არსებული და მავნე პოლიტიკური პოლარიზაციის აღმოსაფხვრელად და წინსვლის ინკლუზიური და რეფორმისტული დღის წესრიგით.

ქვეყნის წინაშე მდგარი ძირითადი გამოწვევებისა და მოქალაქეების მოლოდინების გათვალისწინებით, ჩვენ ვრჩებით მზადყოფნაში და მზად ვართ დავეხმაროთ საქართველოს პარლამენტს ამ საქმეში.

კარგად ჩამოყალიბებული ინსტიტუციური თანამშრომლობის შესაბამისად, რომელიც უკვე არსებობს, ვიწვევთ საქართველოს პარლამენტს მოამზადოს ნიადაგი ჟან მონეს დიალოგის პროცესის ხელშემწყობი დასაწყებად უახლოეს მომავალში“. - ნათქვამია განცხადებაში, რომელიც ევროპარლამენტის ოფიციალურ ვებგვერდზე გამოქვეყნდა.

ასევე საინტერესოა:

🔵 „მიუხედავად ყველაფრისა ისტორიული შანსი გაქვს გამოჩნდე როგორც ღირსების და ღირებულებების მქონე ლიდერი“ - ზურაბ ჯაფარიძე ირაკლი ღარიბაშვილს მიმართავს

🔵 ომიკრონმა მუტაცია დაიწყო - გიორგი ფხაკაძე

🔵 უკრაინის მხარდაჭერა საქართველოს მხრიდან სასიცოცხლოდ აუცილებელია - თეონა აქუბარდია