100-200 ათას პაციენტს ველოდებით, არ არის გამორიცხული, ვაქცინის მეოთხე დოზა გახდეს საჭირო - პაატა იმნაძე

დაავადებათა კონტროლის ეროვნული ცენტრის უფროსის მოადგილე, პაატა იმნაძე, პროგნოზირებს, რომ ,,ომიკრონის" გავრცელება საქართველოში ინფიცირებულთა რაოდენობის მკვეთრ ზრდას გამოიწვევს.

იმნაძეს ამ პროგნოზის გაკეთების საფუძველს ინგლისისა და ნორვეგიის მაგალითი აძლევს.

პაატა იმნაძე მიიჩნევს, რომ ,,ომიკრონთან" საბრძოლველად ვაქცინის მესამე და მეოთხე დოზა საჭირო გახდება.

„ამ ეტაპზე, რაც ,,ომიკრონზე" ვიცით, არის ჯერჯერობით ის, რომ სწრაფად ვრცელდება.

ომიკრონი გაცილებით სწრაფად ვრცელდება, ეს იმას ნიშნავს, რომ ის უფრო ადვილად გადამდებია, ვიდრე მისი წინამორბედი, ,,დელტა" ვარიანტი. შესაძლოა, უამრავი ადამიანი ერთად გახდეს ავად, იგივე ბრიტანეთის და ნორვეგიის მაგალითი ავიღოთ, სადაც ,,ომიკრონი" სწრაფად გავრცელდა.

არის მეორე, რაც ახასიათებს ვირუსს - სიმძიმით არ გამოირჩევა, მაგრამ რა იქნება მისი გრძელვადიანი შედეგები, ჯერ არავინ იცის.

ჩვენთან პიკის  დროს სამედიცინო სექტორმა 60 ათასიან გადატვირთვას გაუძლო მხოლოდ, ომიკრონის შემთხვევაში 100-200 ათას პაციენტს ველოდებით.

ჩვენთან აცრილების რაოდენობა პროცენტულად გაცილებით მცირეა, ვიდრე ინგლისში, ან ნორვეგიაში, ამიტომ ძალიან ფრთხილად უნდა ვიყოთ.

დღეს არსებული ვაქცინის 2 დოზა არ არის საკმარისი, რომ დაგვიცვას ,,ომიკრონისგან", ამიტომ საჭიროა მესამე და არ არის გამორიცხული, მეოთხე დოზა გახდეს საჭირო", - განაცხადა პაატა იმნაძემ.

ასევე დაგაინტერე­­­­სებთ:

🔵ისრაელი უკვე ფაიზერის მე-4 დოზაზე გადავიდა... გააკეთეთ ყველაფერი ისე, როგორც არის ისრაელში და მორჩა - გიორგი ფხაკაძე

🔵ერთი კვირის წინ ჩემს მეგობარს კოვიდი დაუდასტურდა, დღეს ურეკავენ მობოდიშებით და ატყობინებენ რომ კოვიდი არ აქვს, უბრალოდ შეეშალათ - დათო ლიკლიკაძე

🔵ვანგას 13 საშინელი წინასწარმეტყველება - ორი უკვე ახდა