ეს არის სწორი - ფხაკაძე, ვაქცინის ბუსტერ დოზის ვადის შემცირებაზე

პროფესორი გიორგი ფხაკაძე საქართველოში, ე.წ. ბუსტერ დოზის გაკეთების ვადის შემცირებას ეხმაურება.

როგორც ფხაკაძე წერს, აღნიშნული ბოლო პერიოდის განმავლობაში მიღებული ყველაზე სწორი და პროფესიონალური გადაწყვეტილებაა.

“მივესალმები ქალბატონ მინისტრის გადაწყვეტილებას. ეს არის სწორი, ბოლო საერთაშორისო მეცნიერულ მტკიცებულებებზე დაფუძნებული და მოწინავე ქვეყნების საუკეთესო მაგალითებზე მიღებული ბრძანება. ასეთი მყისიერი ბრძანება, ეს არის ამ ბოლო დროს მიღებული ყველაზე სწორი და პროფესიონალური გადაწყვეტილება!

ფაიზერი, ასტრაზენეკა, ბუსტერი 5 თვეში, ათვლა ხდება მეორე დოზიდან.

(აქ მცირე შესწორებას შევიტანდი ჩემგან რომ ასტრაზენეკაც 3 თვეში უნდა იყოს, ისე, როგორც ეს ბრიტანეთმა გააკეთა). 

სინოფარმი/სინოვაკის ბუსტერი 3 თვეში, ათვლა ხდება მეორე დოზიდან. (სრულიად ვეთანხმები)12-15 წლის მოზარდებში პირველ და მეორე დოზას შორის ინტერვალი 3 -12 კვირა (ეს ფაიზერის პროტოკოლია).

კიდევ ერთი, პროფესორ გიორგი ფხაკახის რეკომენდაცია პრაქტიკაში მიღებულია.

დაგვიანებით, მაგრამ ხდება ისე, რასაც ფხაკაძე ამბობს! როცა დავიწყე საუბარი დაბალ ეფექტურ ვაქცინებზე (ასტრაზენეკა, სინოფარმი, სინოვსკი) ბევრი ექსპერტი და კოლეგა და სხვები მეწინააღმდეგებოდნენ, რაც ბუნებრივია. არცოდნა არ ცოდვაა. არაერთი სტატია, მტკიცებულება და ასევე არაერთი ინტერვიუ ლაივი მივუძღვენი ამ საკითხს.

ბოდიშს არავინ არ მოიხდის და რა თქმა უნდა, შეცდომებს არავინ აღიარებს. ეს “ქართულ ჯიგრულ პონტში” არ მოსულა. არაუშავს მივეჩვიე. დაუჯერეთ ფხაკაძეს!”, – წერს ფხაკაძე ფეისბუკის პირად გვერდზე.

🔵2 წელი უსაპნოდ რომ უძვრებოდი პრეზიდენტ სააკაშვილს - გიგი უგულავა კახა კალაძეს მიმართავს

🔵საიას კვლევა 5 ივლისის მოვლენებზე - ჰომოფობიური და ძალადობრივი ჯგუფის წევრებმა 53 ჟურნალისტს სცემეს

🔵ქართველი ემიგრანტი კონკიას ისტორია - “როცა მეკითხებიან დავბრუნდები თუ არა, ვერაფერს ვპასუხობ და ამ დუმილში წლები გადის”