„მე ამხელა ტყუილს ვერ ვიტყვი, რადგან ეს ტყუილი გასკდება...“ - რატომ არ სურს ბიოლოგიურ დედას თამუნა მუსერიძესთან ურთიერთობა?

ტელეწამყვანი და ჟურნალისტი თამუნა მუსერიძე მრავალშვილიანი დედაა. იგი სოციალურ სივრცეში აქტიურობით გამოირჩევა, მეტიც თამუნა მუსერიძემ დააფუძნა ჯგუფი „ვეძებ“, რომლითაც საზოგადოებას დაკარგული და გაშვილებული ოჯახის წევრების პოვნაში ეხმარება.

ბოლო დროს იგი მედიის ყურადღების ცენტრში მოხვდა, რადგან მან 8-წლიანი ძებნის შემდეგ ბიოლოგიური მამა და დედმამიშვილები იპოვა.

16 ოქტომბერს მან სოციალურ ქსელში ინფორმაცია გაავრცელა, სადაც ცნობილი გახდა, რომ იგი ბიოლოგიურ დედასთან შესახვედრად გაემგზავრა.

მუსერიძე გამომწერების კითხვას პასუხობს ერთ-ერთი კითხვა კი იყო ასეთ - რატომ არ სურს ბიოლოგიურ დედას თამუნა მუსერიძესთან ურთიერთობა? 

„მან მითხრა, რომ თუ შენ საჯაროდ არ იტყვი, რომ ხარ მოპარული ბავშვი, მაშინ ჩვენს შორის ყველაფერი დამთავრდებაო. მე ვუთხარი, რომ ჩვენ შორის ყველაფერი 40 წლის წინ დამთავრდა. შენ საჯაროდ უნდა თქვა, რომ შენ სამშობიაროდან მოგიპარესო. მე ამხელა ტყუილს ვერ ვიტყვი, რადგან ეს ტყუილი გასკდება და მერე ის ათიათასობით დედა, რომელსაც მართლა მოჰპარეს შვილი გამოვა მატყუარა და არც იმათ არ დაუჯერებენ.

მე, საკუთარი ერთი ადგილის მოსაწმენდად ათიათასობით დედას ვერ გავწირავ მეთქი. აბა მე უნდა გამწიროო? არა მე თქვენ არ გწირავთ-მეთქი. აქ მოვედი იმისთვის, რომ დაგელაპარაკოთ და ერთად რაღაც გამოსავალი ვნახოთ. მე ამხელა ტყუილს საჯაროდ ვერ ვიტყვი მაშინ, როდესაც ამდენი დედა შვილებს ეძებს და მათ ჩემი ისტორიის გამო საფრთხის ქვეშ ვერ დავაყენებ-მეთქი“, – ამბობს თამუნა.