მიხეილ სააკაშვილი: ახალი შეკრეჭილი ვარ, პარიკმახერი ჩემთან ერთ დღეში შემოუშვეს, ექიმებს კი, ხუთი კვირაა, არ უშვებენ - მე არ ვარ ვიღაც

საქართველოს ყოფილი პრეზიდენტი მიხეილ სააკაშვილი თბილისის საქალაქო სასამართლოში საზღვრის კვეთის საქმეზე მის პროცესს დაესწრო, სადაც მან სიტყვის უფლებით ისარგებლა.

როგორც სააკაშვილმა განაცხადა, იგი ითხოვს, რომ მასთან პირადი ექიმი დაუშვან, რომელიც ნიუ-იორკიდან 5 კვირაა ჩამოსულია.

„თუ ხედავთ, ახალი შეკრეჭილი ვარ, გუშინ წინ გამოვიძახე ციხეში სტილისტი.

გუშინ ეს სტილისტი მოვიდა და გამკრიჭა.

ხუთი კვირაა, ნიუ იორკიდან ჩამოსული ჩემი პირადი ექიმი ნიკა ყიფშიძე წერს ყოველდღე განცხადებებს, რომ შემოუშვან ჩემთან.

პარიკმახერი შემოუშვეს ერთ დღეში.

• ივანიშვილის ბრძანებით, უკვე ხუთი კვირაა, ჩემთან არ უშვებენ ექიმებს, ეს იმ პირობებში, როცა მაქვს ძალიან ძლიერი სისუსტე;
• მაქვს, სერიოზული პრობლემები, ცხოვრებაში პირველად, ჰიპერტონიასთან დაკავშირებული;

მაქვს ძალიან ძლიერი ანემია და აქედან გამომდინარე, ბევრი სხვა პროცესები, მდგომარეობა ყოველდღე უარესდება… მე არ ვარ ვიღაც​.

ოთხი თვეა, ვიმყოფები პატიმრობაში. ველოდი თუ არა ამ სცენარს – ადგილობრივი არჩევნები, რომელიც არასდროს იყო მნიშვნელოვანი, გახდა მნიშვნელოვანი.

ერთ-ერთი მთავარი ქალაქი, რუსთავი წავართვით სამი დღის წინ.

უახლოეს პერიოდში წავართმევთ ბათუმს, ასევე წავართმევთ ზუგდიდს.

ეს ნიშნავს იმას, რომ პოლიტიკური პროცესები ქვეყანაში დაიწყო. ეს ნიშნავს იმას, რომ ჩვენ გვაქვს სიტუაცია, როდესაც ბრძოლას აქვს აზრი“, – განაცხადა სააკაშვილმა.

სასამართლოში სიტყვის წარმოთქმის შემდეგ, მიხეილ სააკაშვილმა პროცესი დატოვა.

სხვა სიახლეები:

🔵 სურსათის სააგენტომ თბილისში ნახევარ ტონამდე გაურკვეველი წარმომავლობის ხორცი გამოავლინა

🔵 საქართველოში კორონავირუსის 22 263 ახალი შემთხვევა დადასტურდა, დადებითობის დღიური მაჩვენებელი კი 30.16% - ია

🔵 ბიძინა კულუმბეგოვი: "ბუსტერ" დოზით ადამიანს ეძლევა 95%-მდე გარანტია, რომ "ომიკრონით" ინფიცირების შემთხვევაში კლინიკაში არ მოხვდება

🔵 "ჯანმრთელები უფრო აქტიურად იცრებიან და არა ისინი, ვისაც ყველაზე მეტად სჭირდება" - რას წერს ინფექციონისტი მაია ბუწაშვილი