სომეხი ფანები: „ნახეთ თბილისის სტადიონი, შეადარეთ ჩვენსას, ნახეთ სად თამაშობენ იმათი ბიჭები ევროპაში და მერე ჩვენი - რუსეთსა და ნოაში“

 თბილისში 1:6 მარცხის შემდეგ, სომეხი ფანები ფედერაციის ძალიან აღშფოთებულები იყვნენ.

გთავაზობთ ფანების რამდენიმე კომენტარს.

„3 რამ, რაც სომხური ფეხბურთის ხელმძღვანელობამ უნდა გააკეთოს: 1. შეადგინეთ ერთი დიდი ბოდიშის წერილი, ჰენრიხ მხითარიანს ბოდიში მოუხადეთ და ნაკრებში დაბრუნება სთხოვეთ 2. გამოაცხადეთ ამ მწვრთნელის გათავისუფლება 3. შემდეგ შეიტანეთ განცხადება თქვენი გადადგომის შესახებ, რომ გაიწმინდოს სომხური ფეხბურთი ამ სამარცხვინო დროებისგან“, - წერს ელენ შაროიანი.

„სომხეთი ხვრელად აქციეს. ყოველ 2 წელიწადში ჩამოყავთ გაურკვეველი წარმომავლობის მწვრთნელები სხვადასხვა ქვეყნიდან. მერე ისინი მოიხდიან ბოდიშს და რამდენიმე მილიონ დოლარს გადაკეცავენ. სომხები მაინც ჩამოიყვანეთ, სომეხ მწვრთნელებს ვაჭამოთ პური“, - წერს ტორგომ ტოროსიანი.

„გადადექით ყველა და მორჩა! არ გვინდა თქვენი ბოდიშები“, - წერს არენ მანუკიანი.

„ეს სილა უნდა იყოს გამოყენებული სერიოზული ცვლილებებისთვის, ფედერაციავ, გთხოვთ, წადით“, - წერს არ ენ-ი.

„მგონი, ამ კაცს კარიერა დავუნგრიეთ. არა მგონია, სომხეთის შემდეგ კიდევ მწვრთნელად იმუშაოს“, - წერს ტიგრან ნალხაიანი.

„ნახეთ თბილისის სტადიონი, შეადარეთ ჩვენსას. ნახეთ სად თამაშობენ იმათი ბიჭები ევროპაში და მერე ჩვენი - რუსეთსა და ნოაში“, - წერს გარი გაროიანი.