აშშ-მა იმიგრანტების, მათ შორის უკრაინელების მიღება შეწყვიტა

 აშშ-ის შიდა უსაფრთხოების სამინისტრომ იმიგრანტების მიღების რამდენიმე პროგრამა შეაჩერა, მათ შორის უკრაინელი იმიგრანტებიც არიან. ინფორმაციას The New York Times ავრცელებს.

გამოცემის ცნობით, აშშ-ის იმიგრაციის და მოქალაქეობის სამსახურმა წერილი გაუგზავნა შესაბამის ქვედანაყოფებს, რომ ბინადრობის უფლების მინიჭების შესახებ ყველა განაცხადის განხილვა შეწყდეს, ვიდრე აშშ-ის ახალი ადმინისტრაციიდან კონკრეტული დავალებები არ იქნება მიღებული.

ამ პროგრამების რაოდენობა საკმაოდ დიდია. მასში, კერძოდ, უკრაინის, კუბის, ჰაიტის და ვენესუელის მოქალაქეები შედიან.

ერთ-ერთი პროგრამა - Uniting for Ukraine, ჯო ბაიდენის ადმინისტრაციის დროს იყო მიღებული. ის შესაძლებლობას აძლევდა უკრაინელ ლტოლვილებს, რომ აშშ-ში ჩავიდნენ და იქ იმუშაონ ყოველგვარი ვიზის გარეშე. ერთადერთი მოთხოვნა იყო, რომ მათ თავდებად აშშ-ში მცხოვრები რომელიმე სპონსორი ჩაუდგებათ. 2023 წლის სექტემბრისთვის აშშ-ში 150 000 უკრაინელი ჩავიდა.

20 იანვარს აშშ-ის პრეზიდენტმა დონალდ ტრამპმა ხელი მოაწერა რამდენიმე ბრძანებულებას, რომლებიც იმ პროგრამების შეჩერებას ითვალისწინებს, რომლის მიხედვით უცხოელები აშშ-ში ჩადიან და იქ ცხოვრობდნენ. ბრძანებულება ითვალისწინებს აშშ-მექსიკის საზღვარზე საგანგებო მდგომარეობის დაწესებას, მასობრივი დეპორტაციის გამარტივებას, ასევე მობილური აპლიკაციის, CBP მუშაობის შეჩერებას. ამ პროგრამის მეშვეობით აშშ-ში თავშესაფრის მოთხოვნა იყო შესაძლებელი.