ილონ მასკი: მშიშარები, რომლებმაც ბრიტანეთში პატარა გოგონების მასობრივი გაუპატიურება დაუშვეს, ჯერ ისევ ხელისუფლებაში არიან

მთავრობის ეფექტიანობის დეპარტამენტის მომავალი ხელმძღვანელი ილონ მასკი „ლეიბორისტების“ მიერ, დიდი ბრიტანეთის პრემიერ-მინისტრის, კირ სტარმერის საქმიანობის გამოძიების დაბლოკვას სამეფო პროკურატურის ხელმძღვანელად მისი მუშაობის პერიოდში.

საქმე ეხება არასრულწლოვანთა მიმართ სექსუალურ ძალადობასა და გაუპატიურებაში ბრალდებულ ბანდებს, რომელთა მიერ ჩადენილ დანაშაულებს 2008-2013 წლებში, სწორედ კირ სტარმერის ხელმძღვანელობით იძიებდა ბრიტანეთის პროკურატურა.

ილონ მასკი ასევე აზიარებს ბრიტანული გამოცემა „ტელეგრაფის“ სტატიას სათაურით - „როგორ დაიფარა არასრულწლოვანთა წინააღმდეგ მოქმედი ბანდების სკანდალი“ და წერს - „როგორ დაფარეს ბრიტანეთის გაუპატიურება“.

მასკის განცხადებით, ის ადამიანები, რომლებმაც დიდ ბრიტანეთში ბავშვების გაუპატიურება დაუშვა, ჯერ კიდევ ხელისუფლებაში არიან, თუმცა, მისივე თქმით, ეს მხოლოდ ჯერჯერობით არის ასე.

„მშიშარები, რომლებმაც ბრიტანეთში პატარა გოგონების მასობრივი გაუპატიურება დაუშვეს, ისევ ხელისუფლებაში არიან... ჯერჯერობით“, - დაწერა მან X-ზე.

მან ასევე გააზიარა ინფორმაცია, სადაც აღნიშნულია, რომ დიდი ბრიტანეთში ერთ-ერთმა მოსამართლემ 20 თვით პატიმრობა მიუსაჯა პირს სოციალურ მედიაში გამოქვეყნებული პოსტისთვის, ხოლო, მოზარდის მაჩეტეთი მკვლელობისთვის ბრალდებულმა კი საპატიმრო ექვს თვეში დატოვა. როგორც მასკმა ამ ინფორმაციასთან დაკავშირებით დაწერა: "ეს მოსამართლე სამარცხვინოდ უნდა გადააყენონ თანამდებობიდან."

ბოლო პერიოდში, ილონ მასკი, დიდი ბრიტანეთის მთავრობას, განსაკუთრებით კი, პრემიერ-მინისტრ კირ სტარმერს მწვავედ აკრიტიკებს. ის მიიჩნევს, რომ დიდ ბრიტანეთში მთავრობა უნდა გადადგეს, ერთ-ერთ მიზეზად, სწორედ მიგრანტების მიერ ფორმირებული ბანდების ბრიტანელი არასრულწლოვნების მიმართ ჩადენილ დანაშაულებს და ამ დანაშაულებზე მთავრობის უმოქმედობას ასახელებს.

🚨🇬🇧HORRIFIC FAILURES: UK TURNED A BLIND EYE TO RAPING CHILDREN

“Anna” and Lucy Lowe faced unimaginable horrors—rape, forced marriage, and in Lucy’s case, death—yet Telford’s authorities failed them entirely.

A 2022 review revealed that police labeled parts of the town “no-go… pic.twitter.com/uW7gqunfOz

— Mario Nawfal (@MarioNawfal) January 4, 2025