დაკავებულია 63 წლის კაცი, რომელმაც 13 წლის გოგონაზე სექსუალურად იძალადა

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1959 წელს დაბადებული ნ.ბ. არასრულწლოვანისს მიმართ ჩადენილი სქესობრივი დანაშაულის ბრალდებით დააკავეს, - ამის შესახებ ინფორმაციას შინაგან საქმეთა სამინისტრო ავრცელებს.

მათივე ინფორმაციით, დანაშაული 15-დან 20 წლამდე ან უვადოდ თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა მამაკაცმა მეზობლად მცხოვრებ არასრულწლოვან გოგონაზე სექსუალურად იძალადა.

პოლიციამ ნ.ბ., ოპერატიულ-სამძებრო ღონისძიებებისა და საგამოძიებო მოქმედებების შედეგად, ბრალდებულის სახით დააკავა. გამოძიება საქართველოს სისხლის სამართლის კოდექსის 19-137-ე მუხლის მე-4 ნაწილის „გ“ ქვეპუნქტით მიმდინარეობს.

ცნობისთვის, დღეს გახდა ცნობილი ამ შემზარავი ფაქტის შესახებ. მედიის ინფორმაციით, შემთხვევა გორში მოხდა. 63 წლის კაცმა 12 წლის გოგო გაიტაცა და მასზე სექსუალურად იძალადა. სექსუალურ ძალადობაში მხილებულ პირს გოგოს მეზობლები ფიზიკურად გაუსწორდნენ, ოჯახმა კი პოლიცია გამოიძახა, თუმცა მან გაქცევა შეძლო.

ასევე დაგაინტერესებთ:

🔵 როგორ შევაყვაროთ ბავშვს კითხვა - წიგნებთან თქვენი და თქვენი ბავშვის ერთად გატარებული დრო მას კითხვისგან კიდევ უფრო მეტ სიამოვნებას მიანიჭებს

🔵 დიდ დიღომში მომხდარი აფეთქებისას დაშავებული ბავშვი გარდაიცვალა

🔵 ახმეტის მუნიციპალიტეტში ძიუდოში ვარჯიშის დროს 16 წლის ბიჭი გარდაიცვალა