მაკა ბოჭორიშვილი: სერიოზულად ვერ აღვიქვამ რეზოლუციას, რომელიც აბსოლუტურად უსაფუძვლოდ არ აღიარებს არჩევნებს

 „სერიოზულად ვერ აღვიქვამ რეზოლუციას, რომელიც აბსოლუტურად უსაფუძვლოდ, ყოველგვარი საფუძვლის გარეშე არ აღიარებს არჩევნებს“, - ამის შესახებ საგარეო საქმეთა მინისტრმა მაკა ბოჭორიშვილმა განაცხადა.

მისი თქმით, აბსურდული ჩანაწერებით ცდილობს ევროპარლამენტი ადგილი დაიმკვიდროს ბრიუსელის ინსტიტუტებს შორის.

„ძალიან რთულია რაიმე სერიოზული კომენტარი გააკეთო იმ რეზოლუციებზე, რასაც ევროპარლამენტი იღებს ამ ბოლო წლების განმავლობაში საქართველოსთან დაკავშირებით. სათვალავიც აგვერია მერამდენე რეზოლუცია. მგონი, ყოველ მეორე თვე საქართველოს შესახებ არის რეზოლუციები, არასავალდებულო ხასიათის, რა თქმა უნდა, პირველ რიგში, ეს უნდა ითქვას და მეორე, ძალიან სამწუხაროა, როდესაც ამას ვამბობ, საღი აზრის ნაკლებობა ჩანს ამ ინსტიტუტებში, რომელი ინსტიტუტებიც შექმნილია და ბრიუსელში ფუნქციონირებს ევროკავშირის სახელით.

ძალიან სამწუხარო რომ ევროპარლამენტის რეზოლუციებში ვხდებით ისეთ აბსურდულ ჩანაწერებს, როგორსაც ვხედავთ და ამ აბსურდული ჩანაწერებით ცდილობს ევროპარლამენტი ადგილი დაიმკვიდროს ბრიუსელის ინსტიტუტებს შორის.

სერიოზულად ვერ აღვიქვამ რეზოლუციას, რომელიც აბსოლუტურად უსაფუძვლოდ, ყოველგვარი საფუძვლის გარეშე არ აღიარებს არჩევნებს, თურმე არ აღიარებს საქართველოს მოსახლეობის 54%-ის ხმას, არ ყოფილა ეს ადამიანები სათვალავში ჩასათვლელი და ამას საერთოდ არანაირი კავშირი  არ აქვს დემოკრატიასთან.

ჩვენ ხომ ვიცით რასაც ემსახურება მსგავსი განცხადებები და რეზოლუციები. ამ განცხადებებსა და რეზოლუციებზე დაფუძნებით აშენებენ პოლიტიკურ დღის წესრიგს საქართველოში ოპოზიცია რომ ჰქვია ის პოლიტიკური ძალები, მათ სხვა საერთოდ არაფერი არ გააჩნიათ. ერთადერთი რაც გააჩნიათ, არის აი, ესე გადმოგდებული მაშველი რგოლებით რაღაც განცხადებების და რეზოლუციების სახით, რასაც მერე ცდილობენ წარმოაჩინონ თითქოს ამით წყება და მთავრდება საქართველოს აწმყო თუ მომავალი. არც ამით არ იწყება და არ ამით მთავრდება. საღ აზრს მოკლებულია ის დოკუმენტები რასაც ჩვენ ვხედავთ. ძალიან სამწუხაროა ეს და ვერ საქართველოს ევროინტეგრაცია ვერ დამთავრდება და დაიწყება ამ რეზოლუციებით რასაც ჩვენ ვხედავთ ევროპარლამენტის მხრიდან მიღებულს.

ძალიან სამწუხაროა, როდესაც ვხედავთ, რომ ევროპარლამენტში მსგავსი დოკუმენტები მიიღება, რომელიც აბსოლუტურად არის საფუძველს მოკლებული და საერთოდ არაფერი კავშირი არ აქვს რეალობასთან და ამით ხდება პოლიტიკური დღის წესრიგის შექმნა საქართველოში. ძალიან სამწუხაროა, როდესაც ვხედავთ, რომ ევროპარლამენტში მსგავსი დოკუმენტები მიიღება, რომელიც აბსოლუტურად არის საფუძველს მოკლებული და საერთოდ არაფერი კავშირი არ აქვს რეალობასთან და ამით ხდება პოლიტიკური დღის წესრიგის შექმნა საქართველოში“, - აღნიშნავს მაკა ბოჭორიშვილი.