ქალის მკვლელობაში ბრალდებული, რომელსაც სოფელმა სახლი დაუწვა, წარსულში სავარაუდოდ, ბებიის გაუპატიურებისთვის იყო ნასამართლევი

სიღნაღის მუნიციპალიტეტში სახლი დაწვეს, რომელიც მკვლელობაში ბრალდებულს ეკუთვნის. 42 წლის კაცი, რომელსაც 68 წლის ქალის მკვლელობისთვის 15 წლიანი სასჯელი ემუქრება ახლა უსახლკაროცაა.

მამუკა მოკვერაშვილი წარსულშიც არაერთხელაა ნასამართლები. 

„რუსთავი 2“ ინფორმაციით, ერთ-ერთი ვერსიით სახლი მას სოფელმა სწორედ ბოლო უმძიმესი დანაშაულის გამო გადაუწვა. სოფელ ჯუგაანში რამდენიმე დღის წინ მომხდარი მკვლელობის მოტივი ამ დრომდე უცნობია.

არცერთ კითხვაზე ზუსტი პასუხი არ არის. დუმს სოფელი და ჯერჯერობით დუმს გამოძიებაც, თუმცა ჯუგაანში შურისძიების ვერსიას არ გამორიცხავენ.

მედიის ცნობით, მამუკა მოკვერაშვილი ჯუგაანში ახალი დასახლებული იყო, ამიტომ ადგილობრივებს სავარაუდო მკვლელის შესახებ ბევრის თქმა არ შეუძლიათ. თუმცა, სოფელში აქვთ ინფორმაცია 42 წლის კაცის წარსულ, მძიმე დანაშაულზე.

"როგორც ამბობენ ადრე ნასამართლევი ყოფილა, როგორც თქვეს საკუთარი ბებია გაუპატიურაო," - აცხადებს ერთ-ერთი ადგილობრივი „რუსთავი 2“ -თან საუბარში.

გამოძიების ინფორმაციით, 68 წლის ქალი საკუთარმა მეზობელმა მამუკა მოკვერაშვილმა სიღნაღის რაიონის სოფელ ჯუგაანში 29 იანვარს, საკუთარ სახლში მოკლა.

დანაშაულის მოტივი ამ დრომდე უცნობია. ბრალის დამტკიცების შემთხვევაში 42 წლის მამაკაცს 7-დან 15 წლამდე ვადით თავისუფლების აღკვეთა ემუქრება.

ასევე საინტერესოა:

🔵 კოვიდით გარდაცვლილი ქალის ქმარი აპირებს, რომ ცოლის შენახული კვერცხუჯრედით შვილი იყოლიოს

🔵 "ხშირად შევსწრებივარ კამათს კლინიკათა ხელმძღვანელებს შორის, კოვიდს დავუწერთ და 5000 ლარს მოგცემთო..." - რას წერს დავით გადელია

🔵 რის გაკეთება შეიძლება “პერმესოს რიჩევუტით” იტალიაში