რაზე ისაუბრეს საქართველოს მოქმედმა და ყოფილმა პრეზიდენტებმა - შეხვედრის დეტალები

საქართველოს ყოფილი პრეზიდენტი გიორგი მარგველაშვილი, საქართველოს მოქმედ პრეზიდენტ სალომე ზურაბიშვილთან შეხვედრას ადასტურებს.

როგორც გიორგი მარგველაშვილმა "მთავარი არხთან" აღნიშნა, პოლიტიკურ მემკვიდრესთან არაერთი საკითხი განიხილა, მათ შორის კი იყო სალომე ზურაბიშვილის ბოლოდროინდელი ინიციატივა ე.წ "ინკლუზიური გარემოს" შექმნაზე.

"შევხვდი საქართველოს პრეზიდენტს.

ქალბატონ სალომე ზურაბიშვილთან ვისაუბრეთ არაერთ საკითხზე, რომლის განხილვასაც ეთერში არ ვაპირებ და, ბუნებრივია, მათ შორის იმ მნიშვნელოვან პროცესზე, რომელიც დაიწყო ქალბატონმა სალომემ და მიმაჩნია, რომ ეს არის უაღრესად დროული და ადეკვატური პოზიცია ქალბატონი პრეზიდენტის, რომელიც დღეს, მისი თაოსნობით იწყება.

გადაწყვეტილი მაქვს, რომ შევხვდე აგრეთვე საქართველოს მე-3 პრეზიდენტს და დღეს ოფიციალურად მივმართავ შესაბამის უწყებებს, რომ მომცენ ბატონ მიხეილ სააკაშვილთან შეხვედრის შესაძლებლობა.

სამწუხაროდ, ქართულ კანონმდებლობაში ამ მიმართულებითაც ყოფილ პრეზიდენტს არანაირი პრივილეგია არ გააჩნია და უფლებები.

იმედი მაქვს, რომ შესაბამისი უწყებები მომცემენ შესაძლებლობას, რომ შევხვდე საქართველოს მესამე პრეზიდენტს", – განაცხადა მარგველაშვილმა.

16 დეკემბერს, ორბელიანების სასახლეში საქართველოს პრეზიდენტმა, სალომე ზურაბიშვილმა პოლიტიკური პარტიების წარმომადგენლებისათვის გამართულ წინასაახალწლო მიღებაზე შერიგების აუცილებლობაზე ისაუბრა.

ამ თემაზე სიახლეები:

🔲 მიხეილ სააკაშვილი: ვინც მიესალმება დიალოგის შეთავაზებას, მეც თქვენს რიგებში ვარ

🔲 სალომე ზურაბიშვილი: არავის არ უნდა, სიძულვილისა და ბოღმის ქვეყანაში იცხოვროს - ვგრძნობ ჩემს პირად პასუხისმგებლობას

🔲 სალომე ზურაბიშვილს ქვეყანაში პოლიტიკური კრიზის განმუხტვაში მართლაც შეუძლია მნიშვნელოვანი როლის შესრულება - რომან გოცირიძე

🔲 „წამოვიწყებ ინკლუზიურ პროცესს“ - გამოხმაურებები სალომე ზურაბიშვილის ინიციატივაზე

🔲 დემოკრატიის წინააღმდეგ ომია გამოცხადებული - სალომე ზურაბიშვილი