„ვინც უკრაინას უსაფრთხოების გარანტიებს აძლევდა, პირობა არ შეასრულეს და უკრაინაში ომის დაწყების შემდეგ საქართველოსგან რუსეთთან ესკალაცია მოითხოვეს“ - პაპუაშვილი

საქართველოს პარლამენტის თავმჯდომარე შალვა პაპუაშვილი სოციალურ ქსელში წერს, რომ მათ, ვინც უკრაინას უსაფრთხოების გარანტიებს აძლევდა, პირობა არ შეასრულეს და უკრაინაში ომის დაწყების შემდეგ საქართველოსგან რუსეთთან ესკალაცია მოითხოვეს.

„ამ ისტორიის მოსმენის შემდეგ გული გაგიჩერდება იმის გააზრებით, რომ მათ, ვინც უკრაინას უსაფრთხოების გარანტიებს აძლევდა (რასაც ზელენსკი ფარატინა ქაღალდს უწოდებს), პირობა არ შეასრულეს და უკრაინაში ომის დაწყების შემდეგ საქართველოსგან რუსეთთან ესკალაცია მოითხოვეს ისე, რომ უსაფრთხოების და ეკონომიკური გარანტიების მიცემა არ უნდოდათ“, - წერს პაპუაშვილი.

პაპუაშვილი აქვეყნებს უკრაინის პრეზიდენტის ვოლოდიმირ ზელენსკის ინტერვიუს ნაწილს ამერიკელ ჟურნალისტთან ლექს ფრიდმანთან, სადაც უკრაინის ლიდერი საუბრობს იმაზე, რომ 1994 წელს ხელმოწერილი „ბუდაპეშტის მემორანდუმის“ შესაბამისად, აშშ, რუსეთი, დიდი ბრიტანეთი, საფრანგეთი და ჩინეთი ოფიციალური კიევის მიერ ბირთვულ იარაღზე უარის თქმის სანაცვლოდ მისი სუვერენიტეტისა და ტერიტორიული მთლიანობის გარანტორები იქნებოდნენ.

After hearing this story, one’s heart sinks, realizing that those who gave Ukraine ‘security assurances’ (which Zelenskyy calls ‘waste paper’) but failed to fulfill them, demanded from Georgia to escalate with Russia, after the war broke out in Ukraine, without even giving either… pic.twitter.com/rpJTTRqLcN

— Shalva Papuashvili 🇬🇪 (@shpapuashvili) January 9, 2025