„მეკვლემ ოჯახში უნდა მიიტანოს 3ლიმონი, 3 ბროწეული, 3 ცალი მანდარინი და 3 ცალი ლარიანი“ - როგორი უნდა იყოს საახალწლო სუფრა და როგორ შევხვდეთ ახალ წელს?

„წლევანდელი წლის ფერები მწვანე და მისი ყველა კომბინაციაა, ასევე არის ყავისფერი, ბეჟი, კრემისფერი, ყვითელი, ოქროსფერი, ლურჯი და ცისფერი ეს არის წლის ფერები მოდის წინა პლანზე, ეს ფერები შეგიძლიათ გამოიყენოთ როგორც სუფრაზე, მორთოთ ნაძვის ხე და თქვენც ჩაიცვათ ეს ფერები. მაგრამ ეცადეთ თავი შეიკავოთ შავი და თეთრი ფერისგან, ასევე წითელი და ვერცხლისფერი ფერი მისაღებია, მაგრამ აქსესუარის ფერის სახით“, - ამის შესახებ ასტროლოგი მიხეილ ცაგარელი „პოსტ ალიონის“ ეთერში საუბრობს. 

 მისი თქმით, გველი არ იქნება ისეთი მძაფრი, როგორც დრაკონი, მაგრამ არც მას უყვარს სიმშვიდე და გვირჩევს თავი შევიკავოთ ფეიერვერკს სროლისგან.

„29 რიცხვამდე სუფრაზე გქონდეთ დრაკონიც და გველიც. სუფრაზე დრაკონს დაუდეთ ხორცი, ხოლო გველს რძე.

თავი შეიკავეთ ფეიერვერკს სროლისგან, რადგან გველს ეშინია და გარბის.

რაც შეეხება სანთლის ფერებს უმჯობესია იყოს ყვითელი, ლურჯი და მწვანე. ახალი წლის დაწყებამდე ნახევარი საათით ადრე აანთეთ ეს სანთელი და მადლობა გადაუხადეთ წინა წელს.

როცა ახალი წელი დადგება ამ სანთელს ჩაუთქვით სურვილი, თუ 3 სურვილი იქნება 3, თუ 9 სანთელი გექნებათ 9 სურვილი, უმჯობესია ეს სანთელი ბოლომდე დაიწვას“, - ამბობს ასტროლოგი.

მან გადაცემაში ასევე მეკვლის შესახებაც ისაუბრა და აღნიშნა, რომ მეკვლე უნდა იყოს მხიარული. 

„მეკვლემ უნდა მიიტანოს 3 ცალი ლარიანი, 3 ცალი ლიმონი, 3 ცალი ბროწეული, და 3 ცალი მანდარინი“, - ამბობს ასტროლოგი.

უფრო ვრცლად ნახეთ, ვიდეო: 👇