„არ შევეგუებით 2007 წლის ხელფასებს 2022 წელს!“ - სოციალური აგენტები ქვეყნის მასშტაბით გაიფიცნენ (ვიდეო)

„არ შევეგუებით 2007 წლის ხელფასებს 2022 წელს!“ - სოციალური აგენტები გაიფიცენ ქვეყნის მასშტაბით.

საპროტესტო აქცია გამართეს ჯანდაცვის სამინისტროსთან სოციალური აგენტებმა, რომლების ხელფასის გაზრდის მოთხოვნით გაიფიცნენ.

აქციაში საქართველოს მასშტაბით დასაქმებული სოციალური აგენტები მონაწილეობენ. არასამთავრობო ორგანიზაციის „სოლიდარობის ქსელის" იურისტმა დავით ომსარაშვილმა განაცხადა, რომ სოციალური აგენტები, რომლებიც სამ წელზე მეტია ხელფასის 100%-იანი ზრდის მოთხოვნით ჯანდაცვის სამინისტროსთან მოლაპარაკებას აწარმოებდნენ, ამბობენ რომ ხელფასის დაპირებული ოდენობით ზრდა მიუღებელია, ამასთან არ ენდობიან ხელისუფლებას.

„ჩვენ დაპირებას ვერ ვენდობით, ეს არის დასაქმებულების პოზიცია. ჩვენ ვამბობთ, რომ ის, რაც გავრცელდა მატებასთან დაკავშირებით, ჩვენთვის არასაკმარისია, ჩვენ ვითხოვთ ხელფასების 100%-იან მატებას. იმ განცხადებაში არაფერია ნათქვამი ამ მოთხოვნებზე, იმ სხვა მოთხოვნებზე, რომელიც ჩვენ ასევე გვქონდა, ყოველივე აქედან გამომდინარე, ჩვენ ვაგრძელებთ ამ პროტესტს", - განაცხადა დავით ომსარაშვილმა.

„გაფიცულია მესტიაც! - აღარ შევეგუებით 2007 წლის ხელფასებს 2022 წელს!“, - ეს წარწერებია გამოკრული მესტიის მუნიციპალიტეტში, სოციალური მომსახურების ოფისის კარზე.

ასევე საინტერესოა:

🔵 სოციალური მომსახურების სააგენტოს 390 თანამშრომელი 17 იანვრიდან მთელი ქვეყნის მასშტაბით გაიფიცება (ვიდეო)