რეანიმატოლოგი: ქვეყნის მესამე პრეზიდენტის ჯანმრთელობის მდგომარეობა კრიტიკულია

„კატეგორიულად მოვითხოვთ, სასწრაფოდ, დაუყოვნებლივ, დღესვე გადაიყვანონ სამოქალაქო კლინიკაში და ჩაუტარდეს გადაუდებელი კვლევები“,  - ამის შესახებ ცენტრ „ემპათიას“ ხელმძღვანელმა მარიამ ჯიშკარიანმა გლდანის საპატიმრო დაწესებულებიდან გამოსვლის შემდეგ განაცხადა.

მისი თქმით, კონსილიუმის წევრ ექიმებს, ენდოკრინოლოგს  და ფსიქიატრს არ მიეცა შესაძლებლობა მოენახულებინა მსჯავრდებული ქვეყნის მესამე პრეზიდენტი.

„ჩემი მონაცემებით, გონების დაკარგვის ეპიზოდი გამოწვეულია როგორც მწვავე ნიშნებით, ასევე ცერებრო-ორგანული დისფუნქციით. ამჟამადაც არის გამოხატული ცერებრო-ორგანული დისფუნქციის ნიშნები, რაც კატეგორიულად ითხოვს პაციენტის ადეკვატურ კლინიკაში მკურნალობას. არ ჰყავდა ნევროლოგს ნანახი და მოწვეული იქნა სახალხო დამცველის აპარატიდან ექსპერტი-ნევროლოგი“, - განაცხადა ცენტრ „ემპათიას“ ხელმძღვანელმა.

კონსილიუმის კიდევ ერთი წევრი, რეანიმატოლოგი  ლევან ბესელია ამბობს, რომ მიხეილ სააკაშვილის მდგომარეობა შეიძლება შეფასდეს კრიტიკულად. გონზეა თუმცა, პერიოდულად არ არის იმ ცნობიერებაზე, რომ ადეკვატურად უპასუხოს ყველა შეკითხვას. შეიძლება გონება დაკარგოს და გონზე ვეღარც მოვიდეს. რეალურად არ არის დიაგნოზი დასმული.

ვრცელდება ინფორმაცია, რომ იგეგმება მიხეილ სააკაშვილის გლდანის ციხიდან გადაყვანა. 

ამ წუთებში გლდანის საპატიმრო დაწესებულებაში იმყოფებიან იუსტიციის მინისტრი რატი ბრეგაძე და „ქართული ოცნების“ ლიდერები: დიმიტრი ხუნდაძე, დავით სერგეენკო და მიხეილ სარჯველაძე.

ამავე თემაზე:

🔵“გაიტაცებენო? გაიტაცონ ბოლოს და ბოლოს! არცერთი შიში არ ამართლებს ამ ყველაფერს” - ნათია ფანჯიკიძე

🔵 ექიმებზე ზეწოლის უპრეცედენტო ფაქტი - სამედიცინო ასოციაციების გაერთიანება ირაკლი კობახიძეს პასუხობს