შუქი 600 ლარი მომივიდა, გაზი 500... ამ ქვეყანაში გაუსაძლისია ცხოვრება… მალე აღარავინ დარჩება, მონების გარდა - მამა პეტრე კოლხი

მამა პეტრე კოლხი წერს, რომ ერთ-ერთია იმ მოქალაქეებს შორის, რომელსაც მაღალი კომუნალური გადასახადები მოუვიდა. ის თბილისის მერს, კახა კალაძეს მიმართავს.

„კალაძის მისამართი მინდა, გამიგია, ძალიან ქველმოქმედიაო…

ჰოდა, საკუთარ თავზე გამოვცდი…

მინდა გავუგზავნო ჩემი მიმდინარე თვის კომუნალურის ქვითრები… წყალს და დასუფთავებას გადავიხდი, შუქი 600 ლარი მომივიდა, გაზი 500, რომ არ ეგონოს, ვაჭარბებ, ქვითრებს დახედოს…

ვწუხვარ, მაგრამ ტაძარში ჯვრისწერები და ნათლობები თითქმის არ ტარდება, ისედაც მარხვაა, მარხვის მერე, კიდევ დიდხანს არ იქნება ჯვრისწერა და მერე ისევ სააღდგომო მარხვა იწყება… ამიტომ, ეს მხარე დახურულია…

შვიდი შვილის რჩენა და ზედ დამატებული გადასახადები ამ ქვეყანაში არ არის მარტივი…

სხვისას არ ვითხოვ, დამასაქმეთ და გადამიხადეთ… ნიჭიც მაქვს, გონებაც და ინტელექტიც… სხვა თუ არაფერი, საკუთარ ბიოგრაფიას დავწერ უშეცდომოდ და კიდევ ბევრ რამეს დავწერ…

ჰოდა, კალაძესთან მიშუამდგომლეთ?!“,-წერს, მამა პეტრე კოლხი.

მისივე თქმით, საქართველოში ცხოვრება გაუსაძლისია და მალე არავინ დარჩება, მონების გარდა.

„არ მაინტერესებს ვისი ცოლი სად ისვენებს, ვის რა აცვია, ვინ რას ჭამს, ისე შეგერგოთ, როგორც იმსახურებთ… უბრალოდ, ხალხს ხელფასით რასაც უხდით, იმას ნუ ართმევთ უკან კომუნალურების ქვითრის სახით…

აქ არ არის საუბარი პოლიტიკურ გემოვნებაზე…

ამ ქვეყანაში გაუსაძლისია ცხოვრება… მალე აღარავინ დარჩება, მონების გარდა….

სულ არ მინდა სადმე გადავიხვეწო… იმის გამო, რომ კომუნალურები  ვიხადო, არ ვაპირებ ევროპაში წასვლას. ის წაბრძანდეს, ვინც ხალხი 30 წლით უკან დააბრუნა…

ჩვენი მოსახლეობა ყველაფრის ღირსია, მთავარია თავად არ შესცივდეს, თავად არ მოშივდეს, სხვაზე ფიქრი რა საჭიროა?!

არაუშავს, ყველას კარგს მიადგება სამართლიანობა, ვინც უსამართლობას ხოტბას ასხამს…

ამ ქვეყანაში არც მრავალშვილიანობა, არც ღირსება, არც ინტელექტი, არც პატიოსნება არ ფასდება… უნდა იყო ყურმოჭრილი მონა და მერე იქნებ ლუკმა გადმოგიგდონ…

მირჩევნია მშიერი მოვკვდე, ვიდრე ბელადებს გუნდრუკი ვუკმიო…

როგორ არ გეშინიათ ამდენი უსინდისობის…

ადამიანების გამწარება არავის შერჩება!“,-დაწერა ფეისბუკის საკუთარ გვერდზე, პეტრე კოლხმა.

ასევე დაგაინტერე­­­­სებთ:

🔵თემურ წიკლაურის საფლავზე მისი ქანდაკება დააზიანეს (ფოტო)

🔵ჩამოყალიბდით, სააკაშვილი ეკონომიკის განვითარების პროგრამას წერს თუ კვდება? - ბაია პატარაია

🔵სოფლელი რძალი გავაგდე სახლიდან, ცილი დავწამე მას ჩემი ვაჟის წინაშე, თუმცა რამდენიმე წლის შემდეგ ისინი კვლავ შეხვდნენ ერთმანეთს