ხვიჩა კვარაცხელია: "ვაკეთებ იმას, რაც ძალიან მიყვარს-ფეხბურთს ვთამაშობ"

უეფას ჩემპიონთა ლიგის ჟურნალმა ხვიჩა კვარაცხელია "მილანთან" მატჩის შემდეგ გამოარჩია და ინტერვიუ ჩაწერა. ხვიჩამ რამდენიმე საკითხზე ისაუბრა-პასუხისმგებლობაზე, ნეაპოლზე, ბათუმში გატარებულ დროზე, დიეგო მარადონასთან შედარებაზე:

• "ნაპოლი"-ში თამაში ჩემთვის დიდი პასუხისმგებლობაა. ხანდახან მხრებზე მეტისმეტ ტვირთს ვგრძნობ, მაგრამ შემიძლია ამას გავუმკლავდე. ეს არ არის მნიშვნელოვანი, რადგან ფეხბურთი 11x11-ზე თამაშია - როცა მოედანზე გავდივარ, ზეწოლა სადღაც ქრება. ვაკეთებ იმას, რაც ძალიან მიყვარს - ფეხბურთს ვთამაშობ.
• ნეაპოლი ფეხბურთით ცოცხლობს. მიხარია, რომ მსოფლიოს ერთ-ერთ საუკეთესო ლიგაში ვთამაშობ. აქ სულ სხვა სიჩქარეებია. თითქმის ყველა ფეხბურთელი ძალიან ტექნიკურია, მათ კარგად იციან შეტევაც და დაცვაც, ფეხბურთის ნებისმიერი ასპექტი. ჩემი აზრით, ადაპტაცია ძალიან მალე გავიარე და ჩემთვის ახალ ტურნირს კარგად შევეწყვე.
• ბათუმში გატარებულმა ორმა თვემ მონდომება და ენერგია დამიბრუნა, რომელიც მეგონა, რომ დავკარგე. ფანები სტადიონს ავსებდნენ და ბრწყინვალე ატმოსფეროს ქმნიდნენ.
• მარადონა ნეაპოლში მეფეა. როცა პირველად გავიგე ჩემი გვარი მასთან მიმართებით, მეგონა, სიზმარში ვიყავი. დიდებულია, როცა ასეთ ფეხბურთელს გადარებენ. უკან რომ ვიხედები, ძნელი წარმოსადგენი იყო პატარა ერის წარმომადგენლისთვის კარიერის ასე განვითარება, მაგრამ ამბიციური ვარ. ყოველთვის მჯეროდა ჩემი ოცნების, რამაც დიდი როლი ითამაშა ჩემს კარიერაში.

შეგახსენებთ, რომ ჩემპიონთა ლიგის მიმდინარე გათამაშებაში ხვიჩამ 9 მატჩში 2 გოლი და 4 საგოლე პასი მიითვალა.