პატიმრის სიკვდილის გამო პენიტენციური სამსახურის 3 თანამშრომელს ბრალი წარედგინა

 სპეციალური პენიტენციური სამსახურის 3 თანამშრომელს ბრალი წარედგინა. - ინფორმაციას სახელმწიფო ინსპექტორის სამსახური ავრცელებს.

მათივე ინფორმაციით,საუბარია პენიტენციური სამსახურის თანამშრომლების მხრიდან ჩადენილ სამსახურებრივი გულგრილობის ფაქტზე, რასაც პატიმრის სიკვდილი მოჰყვა.

სახელმწიფო ინსპექტორის სამსახურის ცნობით, №8 პენიტენციურ დაწესებულებაში მყოფი ერთ-ერთი ბრალდებული, მისი ფსიქოემოციური მდგომარეობის გათვალისწინებით, იმყოფებოდა 24 საათიანი ვიდეომონიტორინგის ქვეშ.

2021 წლის 14 ოქტომბერს, იგი სამკურნალოდ გადაიყვანეს და სამეთვალყურეო ვიდეოკამერებით აღჭურვილ პალატაში მოათავსეს. 15 ოქტომბერს, საბადრაგო ჯგუფის წევრებმა, რომლებსაც პატიმრის მონიტორინგი ევალებოდათ, პალატაში მარტო მყოფი ბრალდებული დატოვეს მუდმივი ვიზუალური მეთვალყურეობის გარეშე. უმეთვალყურეოდ დატოვებულმა ბრალდებულმა თავი ჩამოიხრჩო.

გამოძიება სამსახურებრივ გულგრილობას გულისხმობს, რამაც ადამიანის სიცოცხლის მოსპობა გამოიწვია.

ბრალდება სპეციალური პენიტენციური სამსახურის პენიტენციური დეპარტამენტის თანამშრომლებს სახელმწიფო ინსპექტორის სამსახურის საგამოძიებო დეპარტამენტმა წარუდგინა.

ასევე საინტერესოა:

🔵 შვედეთში „კოვიდ 19“-თან დაკავშირებული შეზღუდვები უქმდება

🔵 საქართველო სომხეთს „მაცუნ“-ის სახელწოდებით პროდუქციის ტრანზიტის ნებას არ აძლევს

🔵 რა გადაუდებელი აუცილებლობა იყო გიგი უგულავას გახდომა, რაც ქვეყანას 114 ათასი ლარი დაუჯდა, აი, ამაზე ისაუბრეთ – პროკურორი სააკაშვილს