შვილების გაუპატიურებაში ბრალდებულ მამას პატიმრობა შეეფარდა

არასრულწლოვანი შვილების გაუპატიურებაში ბრალდებულ მამას პატიმრობა შეეფარდა.

მოძალადე მამასთან ერთად, პატიმრობა შეეფარდა კიდევ ერთ ბრალდებულ პირს.

როგორც „ინტერპრესნიუსს“ ადვოკატმა სოფო გოგლიჩიძემ განუცხადა, ბრალდებული მამა ფაქტს არ აღიარებს და დუმილის უფლებას იყენებს. რაც შეეხება მეორე დაკავებულს, ადვოკატი დეტალებზე ჯერჯერობით ვერ საუბრობს, მაგრამ განმარტავს, რომ ის ოჯახის ახლობელი არ არის. ამასთან, ჰქონდათ თუ არა ფსიქოლოგიური პრობლემები დაკავებულებს, ადვოკატის თქმით, ეს საქმეში ჯერჯერობით არ იკვეთება.

რაც შეეხება ბავშვებს, ისინი სოციალური დაცვის სამსახურში გადაიყვანეს.

„ბრალი ასეთია - მამას და ამ ადამიანსაც ბავშვებთან ჰქონდათ სექსუალური კავშირი. მშობლები განქორწინებულები არიან, ამიტომ ისინი მამასთან ერთად ცხოვრობდნენ, მანამდე კი სოფელში იზრდებოდნენ, ბებია და ბაბუა ზრდიდნენ ბავშვებს. მამასთან საცხოვრებლად ახლახან წამოვიდნენ. დედა სად ცხოვრობს, არ ვიცი.

ბრალდებული ფაქტს არ აღიარებს, დეტალებზე კი დუმილის უფლებით სარგებლობს. ორივე ბრალდებულს პატიმრობა შეეფარდა“, - განაცხადა სოფო გოგლიჩიძემ.

არასრულწლოვანი შვილების გაუპატიურების ბრალდებით მამა დააკავეს. 45 წლამდე მამაკაცი შვილების მიმართ სექსუალურ ძალადობაშია ბრალდებული.

არსებული ინფორმაციით, საუბარია 9 და 12 წლის ბავშვებზე. მამასთან ერთად დაკავებულია კიდევ ერთი პირი. 

შინაგან საქმეთა სამინისტროს ინფორმაციით, გამოძიება საქართველოს სისხლის სამართლის კოდექსის 11 პრიმა, 137- ე (ოჯახის წევრის მიმართ ჩადენილ გაუპატიურება) და 140- ე მუხლებით მიმდინარეობს, რაც 16 წლის ასაკს მიუღწევლის სხეულში სექსუალური ხასიათის შეღწევას გულისხმობს.

დღის სხვა ამბები:

🔵 „დაუჯერებელი კლინიკური შემთხვევა ამ შუა ევროპაში პროგრესის ეპოქაში! - ქალმა საკუთარ სიკვდილში 200€ გადაიხადა“!

🔵  „ვინც „ომიკრონს“ მოუმზადებლად ხვდება, ამ ადამიანების 1%, დაახლოებით 14-15 ათასი ადამიანი დაიღუპება“ - ბიძინა კულუმბეგოვი