16 წლის გოგო და მისი პედაგოგი მძარცველებს, სახლში მოწყობილი სპეციალური ოთახის წყალობით გადაურჩნენ

ბერძენი ექიმის,16 წლის ქალიშვილი და მისი მასწავლებელი, მძარცველებს  სპეციალური ე.წ "პანიკის ოთახის" წყალობით გადაურჩნენ, რომელიც ფოლადის კარით იყო აღჭურვილი. 

ბერძნული მედიის ინფორმაციით, გინეკოლოგს მთელ სახლში ჰქონდა დაყენებული უსაფრთხოების კამერები, რისი საშუალებითაც სამსახურიდანაც შეეძლო გაეკონტროლებინა თუ რა ხდებოდა მის სახლში.  

სწორედ ასე აღმოაჩინა მან, რომ  სახლში სამ კაცი ცდილობდა შეღწევას, იმ დროს როდესაც, იქ მისი 16 წლის ქალიშვილი და მისი პედაგოგი იმყოფებოდნენ. ექიმმა მაშინვე დაურეკა შვილს ტელეფონზე და სთხოვა, პედაგოგთან ერთად ფოლადის კარით დაცულ ოთახში შესულიყო, რის შემდეგაც მომხდარის შესახებ პოლიციას შეატყობინა. 

გავრცელებული ინფორმაციით, მძარცველები რამდენიმე წუთის განმავლობაში ამაოდ ცდილობდნენ დაცული ოთახის რკინის კარების გაღებას, სადაც ექიმის შვილი და მისი პედაგოგი იმალებოდნენ.  

პოლიცია შემთხვევის ადგილზე მალევე გამოცხადდა თუმცა, მძარცველები უკვე გაქცეულები იყვნენ. როგორც ირკვევა, სახლიდან მათ ვერაფრის წაღება ვერ მოახერხეს. 

არსებული ინფორმაციით, ოთახის რკინის კარები, სადაც 16 წლის გოგონა და მისი მასწავლებელი იმალებოდნენ მძარცველების მხრიდან მისი გაღების მცდელობის შედეგად იმდენად იყო დაზიანებული, რომ მათ გამოსაყვანად მეხანძრე-მაშველების გამოძახება გახდა საჭირო. 

ასევე საინტერესოა 

🔴საბერძნეთში, ფეისბუკზე შეიქმნა გაცნობის ჯგუფი ექსკლუზიურად არავაქცინირებული მოქალაქეებისთვის

🔴7 თვიანი პატიმრობა მიესაჯა 33 წლის დედას, რომელიც პანდემიის გამო შვილს სკოლაში არ უშვებდა

🔴როგორ ამოვიცნოთ „ომიკრონის“ შტამი