აშშ-მ იტალია შავ სიაში შეიყვანა - რა ზომებს მიმართავენ ქვეყნები „ომიკრონისგან“ თავის დასაცავად

კორონავირუსის ახალი შტამის, „ომიკრონის“ სწრაფად გავრცელების გამო, ჯანდაცვის მსოფლიო ორგანიზაცია შეშფოთებულია და ქვეყნებს მაქსიმალური სიფრთხილისკენ მოუწოდებს.  ვირუსი იმდენად სწრაფად ვრცელდება, რომ ის „ცუნამსაც“ კი შეადარეს. 

ორგანიზაციის განცხადებით, ვაქცინის არსებობამ, მოდუნების საშუალება არ უნდა მოგვცეს. აცრასთან ერთად ისევ აუცილებლად უნდა ვატაროთ ნიღბები, ხშირად დავიბანოთ ხელები და დავიცვათ სოციალური დისტანცია. ეს ყველაფერი კომპლექსურად უნდა იყოს შესრულებული  და უნდა გავითვალისწინოთ, რომ წარსულში, ვირუსის არასათანადო შეფასებამ, სავალალო შედეგები გამოიღო.
განვითარებული მოვლენების ფონზე,

ვირუსის ახალი შტამისგან თავის დასაცავად, სხვადასხვა ქვეყნები, მთელ რიგ ღონისძიებებს მიმართავენ: ამერიკის შეერთებულმა შტატებმა შავი სიაც კი შექმნა, რომელშიც გერმანიასთან, საფრანგეთთან, პორტუგალიასა და პოლონეთთან ერთად, იტალიაც შეიყვანა. საფრანგეთი დიდ ბრიტანეთთან მიმოსვლის გაკონტროლებას გეგმავს, ნორვეგია და დანია სკოლებს ხურავენ და დასაქმებული მოსახლეობა „სმარტვორქინგზე“ გადაჰყავთ, ავსტრია 12-დან 18 წლამდე მოზარდების აცრისკენ მოუწოდებს მოსახლეობას, ჰოლანდია დაწყებით სკოლებს დროზე ადრე, 20 დეკემებრს ხურავს და კომენდანტის საათს 14 იანვრამდე ახანგრძლივებს.

ნინა მამუკაძე