"პოსტკოვიდური სიმპტომები, რომელიც დაუყოვნებლივ, ექიმის დახმარებას საჭიროებს" - ჯანდაცვის მსოფლიო ორგანიზაცია მნიშვნელოვან ინფორმაციას აქვეყნებს

კოვიდ 19-ისგან გამოჯანმრთელების შემდეგ, ზოგიერთ ადამიანს არანაკლებ დისკომფორტული ე.წ. პოსტკოვიდური პერიოდი აქვს, რაც ჯანმრთელობის კუთხით არაერთ პრობლემას იწვევს, რომელიც ექსპერტების თქმით ექიმის გადაუდებელ მეთვალყურეობას საჭიროებს.

ჯანდაცვის მსოფლიო ორგანიზაციის (WHO) ცნობით, ზოგიერთ შემთხვევაში ეს მდგომარეობა შეიძლება გაგრძელდეს 12 კვირაზე მეტი ხნის განმავლობაში.

სიმპტომები, როგორც წესი უმჯობესდება დროთა განმავლობაში, თუმცა თუ ისინი უარესდება ან არ უმჯობესდება, აუცილებელია ჯანდაცვის სპეციალისტთან კონსულტაცია.

WHO მოგიწოდებთ, დაუკავშირდეთ ექიმს, თუ ქვემოთ ჩამოთვლილი “წითელი ნიშნებიდან” ერთ-ერთი სიმპტომი მაინც გაქვთ:

✔️ აღგენიშნებათ ქოშინი/სუნთქვის გაძნელება მინიმალური აქტივობის ფონზე ან მოსვენებულ მდგომარეობაში;

✔️ ტკივილი გულმკერდის არეში, გულისცემის გახშირება ან თავბრუსხვევა გარკვეულ პოზიციაში ან ვარჯიშისა და სხვა აქტივობის დროს;

✔️ ქვეითდება ცნობიერება ან გიჭირთ საუბარი და წარმოთქმულის გააზრება;

✔️ გაქვთ სისუსტე სახის, მკლავის ან ფეხის არეში, განსაკუთრებით სხეულის ერთ მხარეს;

✔️ გაქვთ ძლიერი შფოთვა ან უარესდება გუნება-განწყობა ან ფიქრობთ საკუთარი თავისთვის ზიანის მიყენებაზე;

სხვა სიახლეები:

🔴 „ოპოზიციას ირაკლი კობახიძის ბევრად უფრო ეშინია, ვიდრე ბიძინასი“- არჩილ გამზარდია

🔴 საქართველოში კორონავირუსის 15 644 ახალი შემთხვევა გამოვლინდა, გამოჯანმრთელდა 24 110 პაციენტი

🔴 ჩვილის მკვლელობის ბრალდებით დაკავებულ დედას პატიმრობა შეეფარდა

🔴 "არ გვაშინებს არავითარი თარიღი, რადგან ჩვენ დავიცავთ თავს 16 თებერვალსაც და 17 თებერვალსაც, მარტშიც, აპრილში, სექტემბერშიც და დეკემბერშიც" - ვოლოდიმირ ზელენსკი