ეს ბავშვებს ჭირს 15,18, 19 წლის ბავშვებს !!! ნარკოტიკზე დამოკიდებული უმძიმესი ფორმებია - ნარკოლოგი

ნარკოლოგი ზურა სიხარულიძე აცხადებს, რომ მოზარდებში ნარკოტიკული ნივთიერებების მოხმარება გაზრდილია.

ექიმი წერს, რომ ბოლო ორი კვირის განმავლობაში, განსაკუთრებით მცირე ასაკის პაციენტებთან მუშაობა მოუწია, მათ შორის მძიმე ფორმით გამოხატულ შემთხვევებზე, რაც მისი განცხადებით შეშფოთების საფუძველს აძლევს.

„დავწერე, წავშალე ბევრჯერ არ ვიცი რა ხდება ჩვენ თავს ასეთი უბედურება. ერთი კვირა დასტრესილი დავდივარ და არ ვიცი რა გავაკეთო რა მოვიმოქმედო ვის ვუთხრა რა გამოსავალი არის ამ სიტუაციიდან მე თუ კიდე რამე გამაკვირვებდა არ ვიცოდი იმდენი რამე მაქვს ნანახი, მაგრამ ეს ორი კვირაა ისე დაემთხვა, რომ რამდენიმე პაციენტი ვნახე ძალიან პატარები ასაკით, ნარკოტიკზე დამოკიდებული უმძიმესი დამოკიდებულების ფორმის ქცევის და პიროვნული აშლილობებით, ზოგის ისტორია მოვისმინე და მივხვდი რომ ძალიან სერიოზულ უბედურებაში ვართ, ხვალ კიდე უარესი გველის ეს არ გაჩერდება მემგონი და არც ვიცი რა უნდა გავაკეთოთ.

რისი ბრალია მკითხვათ – კი აი იმის რაც ხდება, სრული ქაოსი ქუჩაში, სახლებში დანგრეული ოჯახები, გაურკვეველი ქცევა, რომელიც რას ჰგავს არ ვიცი რა სახელი დავარქვა, ბულინგი, აგრესია ვითომ მოჩვენებითი თავისუფლება. ხალხო ეს ბავშვებს ჭირს 15, 18, 19 წლის ბავშვებს !!!

არ ვიცი რა უნდა გავაკეთოთ მე ცოტა შევიშალე მგონია ამის მოსმენით და ყურებით და არც ვიცი როგორ უნდა დავეხმარო ოღონდ მართლა.

ერთი ვიცი ზუსტად რომ თუ ქვეყანაში ცოტა არ დალაგდა სიტუაცია, არ დამთავრდა ეს გაურკვევლობა და არ მიეხედა საზოგადოების მენტალურ ჯანმრთელობას ეს ძალიან მძიმე შედეგებს მოგვიტანს შემდეგ 5 წელიწადში აღარაფერს ვამბობ პანდემიის შედეგებზე რომელსაც კიდე წინ გვაქვს პოსტკოვიდურ პერიოდში ალკოჰოლიზმი ნარკომანია , ქცევითი და ფსიქიკური აშლილობები ეს კიდე წინ გვაქვს პირველად სასოწარკვეთილი ვარ და მართლა არ ვიცი რა უნდა უშველოთ ამას ყველაფერს.. ბეწვის ხიდზე დავდივართ და ჩვენი შვილების და შვილიშვილების ჯანმრთელობაზეა საუბარი, მენტალურ ჯანმრთელობაზე“.

წერს ნარკოლოგი სოციალურ ქსელში.

ასევე დაგაინტერესებთ:

🔵46 გარდაცვლილი და კორონავირუსის 3 410 ახალი შემთხვევა საქართველოში

🔵ქვრივის იძულებით დაქორწინება არ შეიძლება - "თალიბანმა" ქალთა უფლებებზე ახალი განკარგულება გამოსცა

🔵მიშას მდგომარეობა უკან უკან მიდის - გიული ალასანია