"ინვალიდი დავიბადე, 15 წლისას მამა ჩამაკვდა ხელში 22 წლის ასაკში დედა. წამით შეადარე შენი ცხოვრება ჩემსას და რამდენ პლიუსაც იპოვი იმდენჯერ გაიცინე" - მაგდა გოგებაშვილის ემოციური პოსტი

"ერთ ადამიანს დეპრესიული პოსტი ედო და უცებ კომენტარი დაუწერა ამ გოგონამ... დავაკოპირე, რომ ნახოს ყველამ... არ ვიცნობ მას პირადად მაგრამ ძალიან მაგარი გოგო ხარ ! Magda Gogebashvili ", - წერს სოციალურ ქსელ ფეისბუკში ფოტოგრაფი ზაქარია ჭელიძე და იქვე ურთავს მაგდა გოგებაშვილის პოსტს:

"რამდენ ჯგუფში დამიდვია იგივე კომენტარი, იქნებ ვინმეს მოტივაციად გამოვადგეთქო....რა არ გადავიტანე 26 წლის მანძილზე.

ინვალიდი დავიბადე (მარჯვენა ხელის პარეზი), ჩემებმა გაყიდეს ყველაფერი და მიშველეს დავრჩით ჰაერში...

დედაქალაქიდან რაიონში აღმოვჩნდით და დაიწყო ჯოჯოხეთი...15 წლისას მამა ჩამაკვდა ხელში...22 წლის ასაკში დედა..

სკოლის მერე სწავლაზე არც კი მიოცნებია, უნდა მემუშავა..

დედას შეერყა ჯანმრთელობა და გარდაცვალებამდე იმდენი წამალი მინდოდა ვერც კი ვითვლი, არც სწავლა, არც პროფესია, არც და არც ძმა, არავინ ხელის შემშველებელი... ამ უდიდეს ტკივილში სრულიად მარტო და ზედ დამატებული ბებიაჩემი, რომელიც 89 წლისაა და პამპერსზეა ნაბიჯს ვერ ვდგამ...

ისეა მოკედლებული ჩემზე, დავიწყებ სამსახურს, გახდება ცუდად, დავტოვებ სამსახურს და ვზივარ სახლში

და როცა ვმუშაობ ხელფასი 300 ლარით გამესაზღვრება (რაიონია და მეტი არ არის)

ახლა ამ წუთს, ორ თვეზე მეტია არ ვმუშაობ... თვეში 380 ლარია ჩემი შემოსავალი და ამით უნდა ვუზრუნველყო ყველაფერი: კვება, წამალი, გადასახადები...

გათენების მეშინია, არ ვიცი რა უნდა ვაჭამო ბებიას, ხან ხილი უნდა, ხან ტკბილი უნდა...

სახლი? არაა, ქოხში ვცხოვრობ...კიბე მონგრეული...იატაკი ჩავარდნილი...მინების ჩარჩოები დამპალი

ზოგჯერ ამ ყველაფერს რომ ვუყურებ ვკვდები...სხეული მიმძიმდება და ყველაფრის სურვილი მეკარგება, მაგრამ

მაგდა არ ვარ?! რას ვერ ავიტან და გავუძლებ? წამით შეადარე რა, შენი ცხოვრება ჩემსას და რამდენ პლიუსაც იპოვი იმდენჯერ გაიცინე ....

არ შეიძლება შენნაირ მაგარ გოგოს სიცოცხლე ეზიზღებოდეს!".

სხვა სიახლეები:

🔳 "თუ ოჯახმა ხვალ საავადმყოფოს 10 000 დოლარი არ გადაუხადა, გარეთ უშვებენ - ნანუკას ფონდიდან ჩავურიცხავთ 5 ათასს დოლარს, მაგრამ დარჩენილი თანხა უნდა შეგროვდეს " - რა ინფორმაციას აქვეყნებს ნანუკა ჟორჟოლიანი

🔳 "თქვენთვის მისაბაძი ბარიგა იურაა, ჩემთვის კი ძმები ახალაიების მამა არის გმირი, რადგან სამშობლოს პატრიოტები აღუზარდა" - მეგი გოცირიძე