"კლინიკა ნებისმიერ დროს მზად არის, მიიღოს ნებისმიერი სირთულის პაციენტი" - გორის სამხედრო ჰოსპიტლის დირექტორი

"ჰოსპიტალი ნებისმიერ დროს მზად არის, მიიღოს ნებისმიერი სირთულის პაციენტი და აღმოუჩინოს სათანადო სამედიცინო დახმარება", - ამის შესახებ გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტლის დირექტორმა, მალხაზ ურთქმელიძემ განაცხადა.

როგორც კლინიკის დირექტორი აცხადებს, სამხედრო ჰოსპიტალი დაკომპლექტებულია სხვადასხვა პროფილის მაღალკვალიფიციური ექიმებით და აღჭურვილია უახლესი სამედიცინო აპარატურით.

"თავდაცვის სამინისტროს სამხედრო ჰოსპიტალი გახლავთ მრავალპროფილური სამედიცინო დაწესებულება.

იგი აღჭურვილია ყველანაირი სახის სამედიცინო აპარატურით.

დაკომპლექტებული პროფესიონალი სპეციალისტებით.

ნებისმიერ დროს მზად არის, მიიღოს ნებისმიერი სირთულის პაციენტი და აღმოუჩინოს სათანადო სამედიცინო დახმარება.

გორის სამხედრო ჰოსპიტლის მრავალპროფილური სტაციონარული სამედიცინო დაწესებულება ემსახურება როგორც სამხედრო, ისე სამოქალაქო პირებს, სადაც შესაძლებელია 24-საათიანი გადაუდებელი და გეგმური სამედიცინო მომსახურების მიღება", – განაცხადა ურთმელიძემ.

დღეს, 19 ნოემბერს, იუსტიციის მინისტრმა ექსპრეზიდენტ მიხეილ სააკაშვილს გორის სამხედრო ჰოსპიტალში გადაყვანა შესთავაზა.

ახლა მნიშვნელოვანია რა გადაწყვეტილებას მიიღებს მიხეილ სააკაშვილი, თუმცა პარლამენტარს ეკა ხერხეულიძის ინფორმაციით, იგი თანახმაა გორის კლინიკაში გადაყვანაზე. მიხეილ სააკაშვილთან მისი ადვოკატი ნიკა გვარამია, უკვე სამ საათზე მეტია იმყოფება.

ამავე თემაზე:

🔲 კრამონი: ახლა ჯერი ბატონ სააკაშვილზეა და ოპოზიცია უნდა დარჩეს მშვიდობიანად

🔲 ანზორ მელია: გორის ჰოსპიტალი მრავალპროფილურია და კარგი ექიმებითაა დაკომპლექტებული, ახლა მთავარია სააკაშვილმა შეწყვიტოს შიმშილობა