სააკაშვილი ჰიტლერს ყველაფერში ბაძავს, როდესაც ჰიტლერი ციხეში პირველად ჩასვეს, მანაც შიმშილობა დაიწყო - ირაკლი ღარიბაშვილი

"როდესაც ჰიტლერი ციხეში პირველად ჩასვეს, მანაც შიმშილობა დაიწყო, ძალიან ბევრი მნახველი მიდიოდა, დაახლოებითი იგივე სცენარი დადგა ამ საცოდავმა კაცმა ციხეში" - ამის შესახებ, მიხეილ სააკაშვილზე საუბრისას, პრემიერ-მინისტრმა, ირაკლი ღარიბაშვილმა განაცხადა.

"არარელევანტური შეიძლება იყოს სააკაშვილის ჰიტლერთან შედარება, მაგრამ ეს ადამიანი ყველაფერში ბაძავს, უბრალოდ, „ფეიკი“გამოდის, რატომ? ეს დაახლოებით იგივეა, რომ ჰიტლერს, მეორე მსოფლიო ომის შემდგომ მოეთხოვა კიდევ ძალაუფლებაში, ხელისუფლებაში დაბრუნება და ეს ხალხს, მსოფლიოს დაეჯერებინა, ჩვენს მასშტაბებში დაახლოებით იგივეა... ამ კაცმა ქვეყანა დაანგრია, გადაუარა ქვეყანას, ტანჯა, დახოცა ხალხი, ტერიტორიები დაკარგა, ჩააბარა კოდორი, სოფლები და შემდეგ "ქვების გროვა" უწოდა დაკარგულ ტერიტორიებს. მაჩვენეთ ნებისმიერი მოქალაქე, ვინც ამ ადამიანს ხმას აძლევს. ეს არის სირცხვილი, დანაშაული და დანაშაულში თანამონაწილეობა. მინდა მათ ამომრჩეველს მივმართო, მესმის, რომ შეიძლება ყველა არ არის დღევანდელი ხელისუფლებით კმაყოფილი. ეს ნორმალურიც არის, ამიტომ ეს არის ჩვენთვის ერთი მხრივ, გაკვეთილი, რომ უფრო მეტი უნდა ვიმუშაოთ, უფრო მეტი უნდა გავაკეთოთ", - განაცხადა ღარიბაშვილმა.

აგრეთვე დაგაინტერესებთ: 

🔴 სააკაშვილი ყველაფერში ფეიკია, შიმშილობაშიც, გატაცებაშიც, ჩამოსვლაშიც - ირაკლი კობახიძე

🔴 ჩვენი სირცხვილია, რომ ეს კაცი მართავდა ქვეყანას 9 წლის განმავლობაში - ირაკლი ღარიბაშვილი მიხეილ სააკაშვილზე

🔴 მიიღე კაცურად ის სასჯელი, რასაც სასამართლო გამოგიტანს , დაასვენე ეს ნაჯიჯგნი ქვეყანა - ლალი მოროშკინა მიხეილ სააკაშვილის ღია წერილით მიმართავს