"სააკაშვილის ძალადობით ციხის საავადმყოფოში შეყვანა, ევროსასამართლოს მე 3 მუხლის დარღვევაა" - მარიამ ჯიშკარიანი

არასამთავრობო ორგანიზაცია "ემპათიას" თავმჯდომარე მარიამ ჯიშკარიანი, სოციალურ ქსელ ფეისბუკში პენიტენციური სამსახურის მიერ მიხეილ სააკაშვილთან დაკავშირებით მორიგ გავრცელებულ კადრებს ეხმაურება.

"კადრები, რომელსაც ავრცელებს იუსტიციის სამინისტრო მხოლოდ ადასტურებს მიხეილ სააკაშვილის ძალადობით ციხის საავადმყოფოში შეყვანას, რაც ევროსასამართლოს მე 3 მუხლის დარღვევაა", - წერს ჯიშკარიანი.

სპეციალურმა პენიტენციურმა სამსახურმა ყოფილი პრეზიდენტის, მიხეილ სააკაშვილის გლდანის სამკურნალო დაწესებულებაში გადაყვანის ვიდეო გაასაჯაროვა.

ასევე ცნობილი გახდა, რომ ცნობისთვის, სტრასბურგის სასამართლომ არ დააკმაყოფილა სააკაშვილის საჩივარი კერძო კლინიკაში გადაყვანასთან დაკავშირებით და მოსთხოვა შიმშილობის შეწყვეტა.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 42 დღეა შიმშილობს.

ამავე თემაზე:

🔲 "სრულად ვიზიარებთ გადაწყვეტილების სულისკვეთებას" - იუსტიციის მინისტრი სააკაშვილის საქმესთან დაკავშირებით სტრასბურგის გადაწყვეტილებაზე

🔲 პენიტენციური სამსახური მიხეილ სააკაშვილის გლდანის სამკურნალო დაწესებულებაში გადაყვანის ვიდეოს ავრცელებს (ვიდეო)