თაკო ჩარკვიანი: მირეკავენ მეკითხებიან და ამიტომ ვწერ - თავს შევიკავებ და ვერ მივიღებ მონაწილეობას

პარტია "კანონი და სამართლის" ლიდერი, თაკო ჩარკვიანი ორბელიანების სასახლეში გამართულ წინასაახალწლო ღონისძიებაში არ მონაწილეობის მიზეზებს სოციალურ ქსელ ფეისბუკში განმარტავს.

"მირეკავენ მეკითხებიან და ამიტომ ვწერ:

დიახ, მივიღე მოსაწვევი, პრეზიდენტ ზურაბიშვილის რეზიდენციაში ამ საღამოს სადღესასწაულო მიღებაზე.

რა თქმა უნდა დიდი მადლობა მიწვევისთვის, ყოველთვის ნებისმიერ დიალოგს მივესალმები, დიალოგს ალტერნატივა არ აქვს, მაგრამ რადგან მივიღე ინფორმაცია, რომ დღევანდელი შეხვედრა არ გასცდება სადღესასწაულო ფორმატს და დაგეგმილი არ არის და ამ ფორმატში არ შედის მყისიერი განხილვა ან საუბრის დაწყება, ქვეყანაში შექმნილ უმძიმეს, ჩიხში შესულ ვითარებაზე, თავს შევიკავებ და ვერ მივიღებ მონაწილეობას სადღესასწაულო - საზეიმო ღონისძიებაში.

კიდევ ერთხელ დიდი მადლობა მიწვევისთვის და მზად ვარ უახლოეს მომავალში, პოლიტიკური დიალოგის შესაბამის ფორმატში აქტიური მონაწილეობა მივიღო, ქვეყნის განვითარების და ამ მხრივ სასიცოცხლოდ მნიშვნელოვან, პოლიტიკურ ძალებს შორის ურთიერთშეთანხმების მიღწევის გზაზე", - წერს  ჩარკვიანი.

16 დეკემბერს ორბელიანების სასახლეში საქართველოს პრეზიდენტმა სალომე ზურაბიშვილმა პოლიტიკური პარტიების წარმომადგენლებისათვის წინასაახალწლო მიღება გამართა.

ამავე თემაზე:

🔲 მიხეილ სააკაშვილი: ციხის საკნიდან მივესალმები დიალოგის შეთავაზებას

🔲 სალომე ზურაბიშვილი: არავის არ უნდა, სიძულვილისა და ბოღმის ქვეყანაში იცხოვროს - ვგრძნობ ჩემს პირად პასუხისმგებლობას

🔲 ხატია დეკანოიძე: მომეწონა, რაც სალომე ზურაბიშვილმა თქვა. სწორი გზავნილები იყო