საქართველო-შოტლანდია 2:2
საქართველოს ეროვნულმა ნაკრებმა ევრო 2024-ის საკვალიფიკაციო ეტაპის ბოლო საშინაო მატჩი შოტლანდიის ნაკრების წინააღმდეგ, თბილისში გამართა. დინამო არენაზე ჩატარებული შეხვედრა ფრედ, 2:2 დასრულდა.
მატჩში, რომელშიც საქართველოს ნაკრები ძალიან ახლოს იყო გამარჯვებასთან, მე-15 წუთზე ანგარიში ხვიჩა კვარაცხელიამ გახსნა, სტუმრებმა 49-ე წუთზე მაკტომინეის გოლით გაათანაბრეს, თუმცა ჩვენმა ნაკრებმა 57-ე წუთზე ისევ შეძლო დაწინაურება-კვარამ დუბლი გაიფორმა. მსაჯის მიერ კომპენსირებულ დროში ქართველი მცველების შეცდომით ისარგებლა შეცვლაზე შემოსულმა შენკლენდმა და შეხვედრის საბოლოო ანგარიში დააფიქსირა-2:2.
მატჩის დაწყებამდე, საქართველოს ნაკრების ყოფილ ფორვარდს, ლევან მჭედლიძეს საფეხბურთო კარიერის დასრულებასთან დაკავშირებით სიმბოლურად ეროვნული ნაკრების მაისური და სამახსოვრო დაფა სფფ-ის ვიცე-პრეზიდენტმა, ალექსანდრე იაშვილმა გადასცა.
მატჩის შემდგომი კომენტარები:
ვილი სანიოლი (საქართველოს ნაკრების მთავარი მწვრთნელი): "გამარჯვებას ვიმსახურებდით. ყოველთვის დასანანია კომპენსირებულ წუთებზე გოლის გაშვება. ვფიქრობ, ბევრი დადებითი მომენტი იყო ჩვენს დღევანდელ თამაშში. რა თქმა უნდა, ეს არ არის ის შედეგი, რასაც ველოდით. მაგრამ, ჩვენ ბევრს ვშრომობთ იმისთვის, რომ მარტში ძლიერები ვიყოთ. შესაძლოა, ახლა გულდაყწვეტილები ვართ, მაგრამ რამდენიმდე დღეში ან კვირაში, როდესაც კიდევ ერთხელ ვნახავთ და გავაანალიზებთ ამ მატჩს, ბევრ დადებით მომენტს აღმოვაჩენთ, რაც თავდაჯერებას შეგვმატებს".
ხვიჩა კვარაცხელია (საქართველოს ნაკრების წევრი): "შედეგით კმაყოფილები არ ვართ. დასანანი ფრე იყო, რადგან ახლოს ვიყავით მოგებასთან. ჩემი აზრით, უფრო მეტს ვიმსახურებდით.
მნიშვენლოვანი თამაში გველის ესპანეთთან. გვახსოვს ის მარცხი, რომელიც წინა შეხვედრაში განვიცადეთ. გვსურს, ჩავიდეთ, დავიცვათ ჩვენი ნაკრების ღირსება და დავატმკიცოთ, რომ უბრალოდ არ გაგვიმართა და ჩვენი დღე არ იყო".
გიორგი ქოჩორაშვილი (საქართველოს ნაკრების წევრი): "თითოქეული ჩვენგანი ცდილობდა, რომ მაქსიმუმი ჩაედო ამ თამაშში, რაც გამოგვივიდა. მატჩი 2:2 დასრულდა, თუმცა შეგვეძლო მოგება და გულშემატკივრის გახარება. ვერ მოვახერხეთ, თუმცა ვეცდებით, რომ მომდევნო მატჩებში კიდევ უფრო მოვუმატო, როგორც მე, ისე მთლიანად ნაკრებმა".
მომდევნო მატჩს ჩვენი გუნდი 19 ნოემბერს, ესპანეთის წინააღმდეგ გამართავს. შეხვედრა ვალიადოლიდში გაიმართება და თბილისის დროით 23:45 საათზე დაიწყება.
საქართველო - შოტლანდია 2:2 (1:0)
თბილისი, „დინამო არენა“
მაყურებელი: 44 595
საქართველო (3-4-2-1): მამარდაშვილი; კვირკველია, კაშია, ლოჩოშვილი (კალანდაძე 79); კაკაბაძე, ქოჩორაშვილი, კვეკვესკირი (მექვაბიშვილი 70), შენგელია (აზაროვი 72); ჩაკვეტაძე (დავითაშვილი 79), კვარაცხელია; მიქაუტაძე (ზივზივაძე 70)
მწვრთნელი: ვილი სანიოლი
შოტლანდია (4-3-3): კლარკი; პატერსონი (რელსტონი 79), პორტეუსი, მაკენა, ტეილორი (არმსტრონგი 79); გილმორი (მაკლინი 47), მაკგრეგორი, მაკტომინეი; მაკგინი, დაიკსი (შენკლენდი 85), კრისტე (ფერგიუსონი 47)
მწვრთნელი: სტივ კლარკი
გოლები: 1:0 კვარაცხელია (15), 1:1 მაკტომინეი (49), 2:1 კვარაცხელია (56), 2:2 შენკლენდი (90)
გაფრთხილება: კვირკველია (59), ქოჩორაშვილი (83), კვარაცხელია (90) - პატერსონი (8), კრისტი (37), არმსტრონგი (90)
სტატისტიკა - კარისკენ დარტყმები: 7 (5) – 16 (4) ბურთის ფლობა: 39%-61% კუთხურები: 4:4 თამაშგარე: 1:0
მსაჯი: ალეკსანდარ სტარევი (ჩრდ. მაკედონია)
1729599561
სოციალური მედია„უსაყვარლესი, სუპერ გოგო“ - თიკა ფაცაცია საფრანგეთში მოგზაურობს
მოდელი, ტელეწამყვანი და მომღერალი, თიკა ფაცაცია სოციალურ ქსელში აქტიურობით გამოირჩევა და საზოგადოებას ულამაზესი ფოტოებით ანებივრებს ხოლმე. ამჯერად იგი გამომწერებს საფრანგეთის დედაქალაქ პარიზში გადაღებ...
1729592908
საზოგადოებასაპატრიარქო: ეკლესია პოლიტიკურ მხარედ ვერ წარმოჩნდება, თუმცა ერთმნიშვნელოვნად იქნება მხარდამჭერი ისეთი არჩევანისა, რომელიც საქართველოს მოუტანს ხანგრძლივ მშვიდობას
„დღეს ჩვენი ქვეყანა უმნიშვნელოვანეს გზას გადის. ერთი მხრივ, ეროვნული და სარწმუნოებრივი ღირებულებების დაცვა და, მეორე მხრივ, ქვეყნის გამთლიანება, სუვერენიტეტისა და მშვიდობის შენარჩუნება, როგორც სახელმწ...
1729590766
საზოგადოებათბილისში ცეცხლსასროლი იარაღით კაცი მოკლეს
ისანში, გვიან ღამით ცეცხლსასროლი იარაღით 40 წლამდე კაცი მოკლეს. შს სამინისტროს ცნობით, სამართალდამცველებმა ბრალდებული ცხელ კვალზე დააკავეს. მომხდარზე გამოძიებას სსკ-ის 108-ე ( განზრახ მკვლელობა, ისჯებ...
1729588587
საზოგადოებარუსთაველის გამზირის ნაწილსა და თავისუფლების მოედანზე მოძრაობა შეზღუდულია
23 ოქტომბერს დაგეგმილი ღონისძიების გამო, რუსთაველის გამზირზე, ჭანტურიას ქუჩიდან თავისუფლების მოედნის ჩათვლით, ტრანსპორტის გადაადგილება შეიზღუდა. ამის შესახებ ინფორმაციას თბილისის მერია ავრცელებს. მათი...
1729587040
სოციალური მედიალიკა ევგენიძე ოჯახურ კადრებს აქვეყნებს
ტელეწამყვანი ლიკა ევგენიძე მესამე შვილის დედა გახდა. ლიკას და მისი მეუღლე ნიკა კოჩაროვს გოგო შეეძინათ. წყვილმა ახალდაბადებულს ალისა დაარქვა. იგი უკვე ერთი თვის გახდა. ლიკა ევგენიძემ სოციალურ ქსელში შვ...