აჭარის მთავრობის თავმჯდომარე თორნიკე რიჟვაძე უკრაინის სახელმწიფოსა და საზოგადოებისთვის მნიშვნელოვანი საფრთხის შემცველ პირთა სიაში შეიყვანეს

აჭარის მთავრობის თავმჯდომარე თორნიკე რიჟვაძე უკრაინის სახელმწიფოსა და საზოგადოებისთვის მნიშვნელოვანი საფრთხის შემცველ პირთა ჩამონათვალში შეიყვანეს, - ამის შესახებ ინფორმაციას TV 25 ავრცელებს.

"რუსი სამხედრო დამნაშავეების თანამზრახველი", - ამ სათაურით, აჭარის მთავრობის თავმჯდომარეზე უკრაინის ეროვნული უსაფრთხოების, მშვიდობის, კაცობრიობის უსაფრთხოებისა და საერთაშორისო სამართლის წინააღმდეგ დანაშაულის ნიშნების კვლევის ცენტრი წერს.

აჭარის მთავრობის თავმჯდომარე უკრაინის სახელმწიფოსა და საზოგადოებისთვის მნიშვნელოვანი საფრთხის შემცველ პირთა ჩამონათვალში შეიყვანეს.

თორნიკე რიჟვაძეს მეზობელი ქვეყნის ეროვნული უსაფრთხოების წინააღმდეგ მიზანმიმართულ ქმედებაში უკრაინული „მიროტვორეცი“ იგივე „მშვიდობისმყოფელი“ ადანაშაულებს. ამას უკრაინის ეროვნული უშიშროების საფუძვლების წინააღმდეგ დანაშაულთა ნიშნების, მშვიდობის, კაცობრიობის უსაფრთხოებისა და საერთაშორისო სამართლის კვლევის ცენტრი იმ ვიდეოზე დაყრდნობით წერს, რომელიც ქართულ მედიაში გუშინ გავრცელდა.

რიჟვაძე ჟურნალისტის კითხვას, თუ ვინ დაიწყო რუსეთ-უკრაინის ფართომასშტაბიანი, სისხლისმღვრელი ომი, არ პასუხობს.

ცენტრი მიმართავს სამართალდამცავ ორგანოებს მოახდინოს შესაბამისი რეაგირება. აჭარის მთავრობის თავმჯდომარეს უკრაინული განათლება აქვს. თორნიკე რიჟვაძემ დოქტორის წოდება ტარას შევჩენკოს სახელობის კიევის სახელმწიფო უნივერსიტეტში მიიღო.

წყარო: TV 25

ასევე საინტერესოა:

🔵 სლოვაკეთის საზღვართან მარტო მისული, ატირებული 11 წლის უკრაინელი ბიჭის დედა ცოცხალია

🔵 „თუ მსოფლიო განზე გადგება - ის საკუთარ თავს დაკარგავს, სამუდამოდ“ - ვოლოდიმირ ზელენსკი

🔵 „გული ამომაგლიჯე და თან წაიღე,  ჩემი სამარადისო ტკივილი ხარ ძმაო“ - პოლონეთში ქართველი ემიგრანტი დაიღუპა