შემოდგომის ერთ-ერთი ყველაზე გამორჩეული ასტროლოგიური მოვლენა ჯერ კიდევ წინაა, 17 ოქტომბერს ვერძის ნიშანში სახიფათო სუპერმთვარეობაა - რისი გაკეთება შეიძლება და რა არ არის რეკომენდებული ამ დღეს

მიუხედავად იმისა, რომ დაბნელების დერეფანი უკან ჩამოვიტოვეთ, შემოდგომის ერთ-ერთი ყველაზე გამორჩეული ასტროლოგიური მოვლენა ჯერ კიდევ წინაა. 2024 წლის 17 ოქტომბერს სავსე მთვარე გველოდება. მას განსაკუთრებული გავლენის გამო, მონადირის სავსე მთვარესაც უწოდებენ და ერთ-ერთ ყველაზე ძლიერ თარიღად ითვლება. როგორც ცნობილია, ოქტომბრის სავსე მთვარე ბევრად ადრე ამოდის და უკეთაც ანათებს, რაც მონადირეებისათვის ყოველთვის დიდი შეღავათი იყო.

17 ოქტომბრის სუპერმთვარე ვერძის ნიშანშია. ცეცხლის ნიშნის ენერგია დაგეხმარებათ, საკუთარი თავი უსარგებლო ინფორმაციის, ურთიერთობებისა და კომუნიკაციისაგან გაათავისუფლოთ, განდევნოთ დამანგრეველი ემოციები, რომლებიც თვეების განმავლობაში გროვდებოდა და განსაკუთრებით გაზარალებდათ.

2024 წლის 17 ოქტომბრის სავსე მთვარე თითოეულ ადამიანს უნიკალურ შანსს აძლევს, რომ ცხოვრება სუფთა ფურცლიდან დაიწყოს. თუ უკვე დიდი ხანია, რაიმე მნიშვნელოვანის გაკეთება გინდათ, საკუთარი საქმის წამოწყებაზე, არსებული პროექტების განვითარებაზე, შესწავლაზე, ჰობისთვის მეტი ყურადღების დათმობაზე ფიქრობთ, მაგრამ დრო, ენერგია და შემართება არ გყოფნიდათ, ახლა ამისთვის შესანიშნავი დროა. როგორც ასტროლოგები ამბობენ, ,,დიდი“ მთვარე ნებისმიერ მცდელობას, თუ ის გულიდან მოდის და გულწრფელია, ხელს უწყობს და წარმატების მიღწევაში გეხმარებათ. როგორც აღვნიშნეთ, სწავლის დასაწყებად შესანიშნავი დროა. 

თუმცა, ასევე, თუ აღნიშნულ დღეს მოგზაურობას ან შორ მანძილზე გადაადგილებას გეგმავთ, ყველაფერი კარგად გადაამოწმეთ, რადგანაც როგორც ასტროლოგები ამბობენ, გზებზე ხარვეზების რისკი იმატებს. ბილეთები და სხვა სახის დოკუმენტები შეამოწმეთ და დარწმუნდით, რომ ყველაფერი რიგზეა.

გარდა დადებითი ეფექტისა, 2024 წლის 17 ოქტომბრის სავსემთვარეობას საკმაოდ საყურადღებო გავლენაც აქვს. ვერძის ენერგიამ შესაძლოა, ისეთ გადაწყვეტილებებამდე მიგვიყვანოს, რასაც დიდი ხნის განმავლობაში ვინანებთ. აღნიშნულ დღეს ემოციური ფონი განსაკუთრებით მოიმატებს. ამიტომაც, სპონტანური გადაწყვეტილებები არ მიიღოთ. გარდა ამისა, ასტროლოგები გვირჩევენ, რომ კონფლიქტურ სიტუაციას მაქსიმალურად მოვერიდოთ. წინააღმდეგ შემთხვევაში, მცირე კამათიც კი შესაძლოა, ძალიან დიდ დაპირისპირებაში გადაიზარდოს და აგრესიის მართვა გაგიჭირდეთ.

ამავე დღეს შესაძლოა, მომატებული გაღიზიანება იგრძნოთ და მოტივაციაც დაკარგოთ, მაგრამ ნუ ინერვიულებთ, ეს ემოცია მალევე გაივლის.

17 ოქტომბრის სავსემთვარეობა გავლენას ყველაზე მეტად ცეცხლის ნიშნებზე - ლომზე, მშვილდოსანსა და ვერძზე მოახდენს. როგორც ასტროლოგები ამბობენ, მათთვის აღნიშნული თარიღი განსაკუთრებით ემოციური იქნება. შესაძლოა, უიმედობა იგრძნოთ, ის, რაც ძალიან გაინტერესებდათ, მოგეჩვენოთ, რომ სრულიად უაზრო და არასაჭიროა, არსებულ ურთიერთობებში ეჭვი შეგეპაროთ და ყველაფრის გაჩერება გადაწყვიტოთ. თუმცა, თქვენი მთავარი ამოცანაა, ნაჩქარევი და იმპულსური გადაწყვეტილებები არ მიიღოთ. წინააღმდეგ შემთხვევაში, შესაძლოა, შედეგით უკმაყოფილო აღმოჩნდეთ.

კუროს, ქალწულის და თხის რქის ნიშნის წარმომადგენლები პასუხისმგებლობების უგულებელყოფისკენ იქნებიან მიდრეკილნი და უჩვეულო პოზიციაში აღმოჩნდებიან.შესაძლოა, ამ დღეს რაღაც ძალიან უცნაური ჩაიდინოთ, რაც შემდეგში საკუთარი თავისგან თავადაც გაგიკვირდეთ.

სასწორის, კირჩხიბის, მორიელისა და ტყუპების ნიშნის წარმომადგენლებისათვის ეს დღე უმტკივნეულოდ ჩაივლის და რაიმე განსაკუთრებული ცვლილება მოსალოდნელი არ არის. ერთადერთი, რამაც შეიძლება, ხელი შეგიშალოთ, მომატებული ემოციურობაა. შეეცადეთ, ემოციები გააკონტროლოთ.

როგორც ასტროლოგები ამბობენ, 17 ოქტომბრის სავსემთვარეობა ადამიანებზე გავლენას მომდევნო 3 დღის შემდეგაც მოახდენს, ამიტომ ყურადღებით იყავით.