იტალიის სკოლებში საწავლო პროცესი გადაიდო?

იტალიის მასშტაბით საჯარო და კერძო სკოლებში საშობაო არდადეგები იწურება და აქტუალურია კითხვა, როდის იწყება სკოლა?

იტალიის სკოლებში სასწავლო პროცესის განახლების ზუსტი თარიღის გამოცხადება ეპიდ ვითარებიდან გამომდინარე ამ ეტაპზე უჭირთ, თუმცა სავარაუდოდ განიხილება 7-დან 10 იანვარი.

ზოგიერთ რეგიონში კოვიდის მეოთხე ტალღისა და ახალი შტამის ,,ომიკრონის" შემთხვევების ზრდის გათვალისწინებით სავარაუდოდ საშობაო არდადეგები გახანგრძლივდება. იტალიის რეგიონები: ვენეტო, კამპანია, ლიგურია, მოსიზე, პიემონტე, აპულია, ვალე ოსტა, ბოლცანოს პროვინცია უკვე შეჯერდნენ სასწავლო პროცესის დაწყების თარიღზე, 10 იანვარზე. ცხადია, ყველაფერი მაინც ვირუსის გავრცელების მასშტაბებზეა დამოკიდებული.

კამპანიის რეგიონის ხელმძღვანელი ვინჩენცო დე ლუკა ვარაუდობს, რომ ერთი თვე დაწყებითი კლასის მოსწავლეები დისტანციურ სწავლაზე გადაიყვანონ, რაც მისი თქმით პატარებში ვაქცინაციის პროცესსაც ხელს შეუწყობს. თეორიულად განიხილება საკითხი დისტანციურ სწავლებაზე არავაქცინირებული მოსწავლეების გადაყვანის თუ მათ კლასში 2 მოსწავლე კოვიდადებითი აღმოჩნდება.

პარტიები ,,ლეგა" და ,,ჩინკუე სტელე" ამ ინიციატივას ეწინააღმდეგებიან. კამპანიის რეგიონში 5-დან 11 წლამდე ბავშვების ვაქცინაციის პროცესი ორი კვირაა რაც დაიწყო, თუმცა ნელი ტემპით მიმდინარეობს. ბავშვების 88,4% ჯერ კიდევ აუცრელია. ,,არ შეიძლება ბავშვების დისკრიმინაცია და მათი დაყოფა ვინ დისტანციურად ისწავლის და ვინ საკლასო ოთახში."- აცხადებს განათლების მინისტრის მოადგილე ბარბარა ფლორიდია.

პარტია ლეგას წევრის როსანო სასოს განმარტებით: ,, ჩვენი მოსწავლეების საკლასო ოთახში სასწავლო პროცესის წარმართვა მთავრობის პრიორიტეტი და მთავარი პრინციპი იყო. აუცილებლად ასე უნდა გავაგრძელოთ სასწავლო წლის მეორე ნახევარშიც. ინფექციების ზრდამ იზოლაციის, პროტოკოლების გამკაცრება მოითხოვა. ჩვენ არ გვაქვს იმის საშუალება, რომ მილიონობით ბავშვი დისტანციურ სწავლაზე გადავიყვანოთ და თანაც ამ გზით სრულფასოვანი განათლების მიღების უფლებაც არ უნდა შევუზღუდოთ." იტალიის მთავრობა სწავლობს სხვადასხვა რეგიონებში არსებულ რეგულაციებს, განსაკუთრებით დაწყებით და საშუალო კლასებში.

იტალიის განათლების მინისტრი პატრიციო ბიანკი აცხადებს, რომ ქვეყნისთვის პრიორიტეტულია სასწავლო პროცესის განახლება საკლასო ოთახებში. იტალიის ზოგიერთ რეგიონში სავარაუდოდ დაწყებითი და საშუალო კლასის მოსწავლეებისთვის შემდეგი რეგულაციების შემოღება განიხილება, თუ კლასში 2 მოსწავლე კოვიდდადებითი აღმოჩნდება და ვაქცინირებული იქნება მაშინ 5-დღიან იზოლაციაში გადავლენ და მეათე დღეს კოვიდტესტს გაიკეთებენ. ეს წესი გავრცელდება ბოლო სამ თვეში კოვიდ გამოჯანმრთელებულ მოსავლეებზეც.

რაც შეეხება არავაქცინირებულ მოსწავლეებს, ისინი 10-დღიან იზოლაციაში გადავლენ. კლასში სამი კოვიდ შემთხვევის დაფიქსირების დროს კი ზომებს ჯანმრთელობის სამინისტრო მიიღებს. საბავშვო ბაღებში 1 შემთხვევის დაფიქსირების დროს მთელი ჯგუფი 10-დღიან იზოლაციაში გადავა და შემდგომ აუცილებლად კოვიდ ტესტები უნდა გაიკეთონ.

2021 წლის 15 დეკემბრიდან იტალიის მასშტაბით სკოლებში მომუშავე ყველა ადამიანის Covid19-ზე აცრა სავალდებულო გახდა, ასევე ვალდებულნი არიან სკოლებში გამოიყენონ სამედიცინო ნიღბის ტიპი Ffp2. დაწყებითი და საშუალო კლასის მოსწავლეებიც ვალდებულნი არიან ამ ტიპის სამედიცინო ნიღაბი გამოიყენონ. დაველოდოთ თუ რა გადაწყვეტილებებს მიიღებენ განათლების სამინისტროში სკოლებში სასწავლო პროცესის განახლების თარიღთან დაკავშირებით და რა ტიპის რეგულაციები ამოქმედდება 2022 წელს სკოლებში ვირუსის წინააღმდეგ საბრძოლველად.

ნონა გედენიძე სპეციალურად ExclusiveTV.ge-სთვის ემილია-რომანიადან

აგრეთვე დაგაინტერესებთ:

📌 გაიგე დეტალურად რა კოვიდრეგულაციები მოქმედებს იტალიაში ამჟამად

📌 ვის ხელში გადადის მცირე ბიზნესი რომში?!

📌 3 იანვრიდან ნახევარი იტალია ყვითელ ზონაში იქნება