"არც 7 ნოემბრის, არც სანდრო გირგვლიანის და არც ვალერი გელაშვილის  თემაზე, ჩემი თანდასწრებით, დანაშაულებრივი ქმედება არასდროს არ დაგეგმილა" - ნინო ბურჯანაძე

"არც 7 ნოემბრის, არც სანდრო გირგვლიანის და არც ვალერი გელაშვილის  თემაზე, ჩემი თანდასწრებით, დანაშაულებრივი ქმედება არასდროს არ დაგეგმილა" -  ამის შესახებ  "ერთიანი საქართველოს" თავმჯდომარემ, ნინო ბურჯანაძემ განაცხადა.

რაც შეეხება საქართველოს მესამე პრეზიდენტის, მიხეილ სააკაშვილის ადვოკატების მოთხოვნას, ოპოზიციის ერთ-ერთი ლიდერი, აღნიშნავს, რომ უფლებადამცველების განცხადება სიურპრიზი იყო:

"ჩემთვის ეს ინფორმაცია სიურპრიზი იყო. მე არავინ დამკავშირებია, არც ადვოკატები და არც სხვა ვინმე და საქმის კურსში არ ჩავუყენებივარ ამ საკითხთან დაკავშირებით. რბილად რომ ვთქვათ, ცოტა უცნაურია, ეს ჩემთვის. მე არ ვიძლევი ჩვენებას, როდის უფრო მეტად ვარ გაბრაზებული, ან როდის უფრო ნაკლებად. ვცდილობ, ვიყო ობიექტური. მე ვთქვი, რომ ჩემი თანდასწრებით არც ერთხელ, არც 7 ნოემბრის, არც ცხონებული გირგვლიანის და არც ვალერი გელაშვილის  თემაზე, ჩემი თანდასწრებით, დანაშაულებრივი ქმედება არასდროს არ დაგეგმილა"- თქვა ნინო ბურჯანაძემ. 
საქართველოს მესამე პრეზიდენტის მიხეილ სააკაშვილის ადვოკატები, 2007 წლის 7 ნოემბრის საქმეზე სასამართლოში პარლამენტის იმჟამინდელი თავმჯდომარის ნინო ბურჯანაძისა და გენშტაბის ყოფილი უფროსის ზაზა გოგავას დაკითხვას მოითხოვენ.

წყარო:ტვ პირველი

ასევე დაგაინტერე­­­­სებთ:

🔵საქართველოში "ომიკრონის" კიდევ 5 ახალი შემთხვევა დაფიქსირდა

🔵შალვა ნათელაშვილი ღამის კლუბების გახსნას ითხოვს

🔵„საფრანგეთი არაა ვალდებული დაგვაბინაოს ევრორემონტიან სახლში, გვაჭამოს, გვასვას და გვაცხოვროს“ - ჟურნალისტი საფრანგეთიდან