„ველოდებით თითოეულ ქართველ გულშემატკივარს, ისინი ძალიან დიდი ძალა და მოტივაციის წყარო არიან ჩვენთვის“ - ნიკა კვეკვესკირი
![](https://exclusivetv.org/uploads/files/2024/06/13/22535/nika-kvekveskiri_w_h.jpeg)
საქართველოს ნაკრები ევროპის ჩემპიონატისთვის მზადებას გერმანიაში განაგრძობს. 12 ივნისს, ფელბერტში, ჩვენი გუნდის ღია ვარჯიში გაიმართა.
საწვრთნელი პროცესი სავსე ტრიბუნის თანხლებით და გულშემატკივართა შეძახილების ფონზე წარიმართა.
ვარჯიშში 24 ფეხბურთელი მონაწილეობდა. ვარჯიშის დაწყებამდე, მოახლოებულ ევროპის ჩემპიონატთან დაკავშირებით ნიკა კვეკვესკირმა ისაუბრა.
„გუნდში, რა თქმა უნდა, მხოლოდ და მხოლოდ პოზიტიური განწყობაა. ემოციური იყო გერმანიაში ამდენი ქართველის ხილვა. როგორც იქნა, ეროვნული ნაკრები დიდ ტურნირზე მოხვდა და ემზადება დებიუტისთვის. ამაზე მაგარი გრძნობა უბრალოდ არ შეიძლება რომ იყოს. ყოველი დღე ახალი პოზიტიური ემოციებითაა დატვირთული. ვტკბებით ამ შეგრძნებებით, მაგრამ, ამავდროულად, ვემზადებით და ვცდილობთ კონცენტრირებულები ვიყოთ და მაქსიმალურად მზადყოფნაში შევხვდეთ პირველ თამაშს.
ხასიათისთვის და განწყობისთვის ძალიან მნიშვნელოვანი იყო მონტენეგროში მოგებული ამხანაგური მატჩი. დამუშავდა რამდენიმე ტაქტიკური დეტალი, რამაც გაამართლა. ეს მეტ თავდაჯერებას მატებს გუნდს, რაც მნიშვნელოვანია ასეთი დიდი ტურნირის წინ. ჯერჯერობით ყველაფერი გეგმის მიხედვით მიდის.
ფეხბურთელები, ვინც უცხოეთში ვთამაშობთ, განსაკუთრებულ მნიშვნელობას ვანიჭებთ ქართულ დროშებს ტრიბუნებზე. მით უმეტეს, როდესაც ამას აქ ხედავ, ევროპის ჩემპიონატის წინ. ეს ძალიან დიდ ემოციებთანაა დაკავშირებული. ველოდებით თითოეულ ქართველ გულშემატკივარს. ისინი ძალიან დიდი ძალა და მოტივაციის წყარო არიან ჩვენთვის. იმედია, ბევრი ქართველი მოახერხებს თამაშზე დასწრებას და ჩვენთან ერთად იბრძოლებს გამარჯვებისთვის“, - აცხადებს ნიკა კვეკვესკირი.
შეგახსენებთ, საქართველოს ნაკრები ევრო 2024-ის ჯგუფურ ეტაპზე 18 ივნისს, დორტმუნდში თურქეთის ნაკრებს, 22 ივნისს, ჰამბურგში, ჩეხეთის ნაკრებს და 26 ივნისს, გელზენკირხენში, პორტუგალიის ნაკრებს შეხვდება.
1719075203
ახალი ამბები„ჯერ იყო ევროპაზე პირველი გასვლა, შემდეგ ევროპაზე პირველი გოლი, დღეს ევროპაზე პირველი ქულა, 26-ში ევროპაზე პირველი მოგების ჯერია“ - ირაკლი კობახიძე
„ჯერ იყო ევროპაზე პირველი გასვლა, შემდეგ ევროპაზე პირველი გოლი, დღეს ევროპაზე პირველი ქულა“, - ამის შესახებ საქართველოს პრემიერ-მინისტრი ირაკლი კობახიძე Facebook-ზე წერს. მთავრობის მეთაური საქართველოს...
1719074343
სპორტი„ბედნიერი ვარ და ვფიქრობ, რომ უფრო მეტი შემიძლია, კმაყოფილი არასდროს არ ვარ“ - ხვიჩა კვარაცხელია
საქართველოს ეროვნული ნაკრების წევრმა ხვიჩა კვარაცხელიამ ჩეხეთთან ფრედ დასრულებული თამაშის შემდეგ მედიის კითხვებს უპასუხა. მან საქართველოს ნაკრების თამაში შეაფასა და აღნიშნა, რომ პორტუგალიასთან შეხვედრ...
1719071513
სპორტიგიორგი მამარდაშვილი საქართველო-ჩეხეთის მატჩის MVP გახდა
საქართველოს ეროვნული ნაკრების მეკარე გიორგი მამარდაშვილი ევროპის ჩემპიონატზე ჩეხეთსა და საქართველოს შორის გამართული მატჩის საუკეთესო მოთამაშე გახდა. გიორგი მამარდაშვილმა 11 სეივი შეასრულა და საქართველ...
1719068639
სპორტისაქართველოს ეროვნულმა ნაკრებმა ჩეხეთთან თამაში 1-1 ანგარიშით დაასრულა
საქართველოს ეროვნულმა ნაკრებმა ევროპის 2024-ის ფარგლებში პირველი ქულა მოიპოვა. ჩეხეთთან შეხვედრა ფრედ, 1:1 დასრულდა. საქართველოს ნაკრებს გოლი გიორგი მიქაუტაძემ მოუტანა, რომელმაც პირველ ტაიმში 11-მეტრი...
1719065549
სოციალური მედია„ამ ტაიმს მაინც ერთი სახელი აქვს - მამარდაშვილი!“ - გიორგი კეკელიძე
მწერალი გიორგი კეკელიძე საქართველო - ჩეხეთის თამაშს ეხმაურება და სოციალურ ქსელში ქართველი მეკარის გიორგი მამარდაშვილის შესახებ წერს, რომელმაც პირველ ტაიმში 8 ბურთი მოიგერია. „ამ ტაიმს მაინც ერთი სახე...